Trump-a vauna karah Iran-a Indian-te che sawn lo turin chah
US President Donald Trump-a’n Iran-a ‘khawsakna a chhe vek dawn’ tih a sawi hnuah India chuan Thawhlehni khan Iran-a a mite chu darkar 48 chhung an awm hmun sawn lo turin a chah a. Power leh sipai hmun hnaih lo turin a ti bawk.
Tehran-a India embassy atanga thurawn hmanhmawh thlak tihchhuah chuan Indian-te chu in chhunga awm reng tur leh kawngpuia chetnaah mission nena inbe zel turin a ngen.
February 28-a Israel leh US tang dunin beihpui an thlakna avanga buaina a chhuah lai khan Iran-ah hian Indian 9,000 vel an awm a, an zinga a tam zawk chu zirlai an ni a, tun thlengin mi 1,862 an haw tawh a, zirlai 935 leh sangha mantu 472 an ni a, Armenia leh Azerbaijan kaltlanga haw an ni.
Thurawn chuan Iran-a la awm India mite chu ‘darkar 48 chhung chu an awmna hmunah awm turin a hriattir a, electric, sipai hmun leh in chhawnga a sang laite pumpelha in chhunga awm reng tur leh kawngpuia chhuahnaah embassy nena inbe hmasa zel turin a hriattir a ni’ a ti.
US chuan tun hnaiah Iran-a vantlang thil, lei leh power plant te chu beih tumin a vau fo tawh.
“Embassy-in a hman khualbuka awm Indian-te chu embassy team-te nen inbe reng chungin in chhungah awm tur’ tiin thurawn chuan a tar lang. Indian-te chu thil awm dan sorkar thuchhuah ngaihven turin an ngen bawk.
Indian zirlai tam tak, an awmna khawpui atanga Tehran leh Isfahan-a hmun him tura sawnte chu embassy-in a hawhsak khualbukah awmtir mek an ni hlawm a ni.
Trump-a vauna karah Iran-a Indian-te che sawn lo turin chah
