President Donald Trump-a chuan US sipaiten Iran an beih lehna beih lehna tura ruahman chu Ningani (India-ah zan tlai tawh tak) khan a thulh leh thut a, Tehran nena inbiakna chu an hruaitu dinhmun sang ber thlengin a kal chho tawh tih a sawi.
Trump-a’n na taka Ningani zana Iran beih leh a tumna a tihtawp leh thut hi an chet ngei rin a nih thup laiin a ni a. Truth Social-a a tar lanah thum chuang indona awm tawha indawrnain hma a sawn dan kimchang leh Iranian hruaituten an pawmpui a ni tih lanna engmah a tel lo thung.
Trump-a chuan, “Islamic Republic of Iran nena inbiakna chu Iranian hruaitu dinhmun sang ber thlenga kalpui a nih thu leh pawm a nih tawhna aṭtnga thlirin, United States of America President ka nih angin, vawiin tlai khan Iran laka beihpui thlak leh tura ruahman chu ka thult ta a ni,” tiin a tar lang.
“Sawihona leh point hnuhnung berte chu a kalpui leh kaihhnawih zawng zawngin an pawm a, United States, Israel, Saudi Arabia, UAE, Qatar, Turkey, Pakistan, Bahrain, Kuwait, Jordan, Egypt leh mi dangte pawhin an pawm a. Tuipui dan chu thil tihfel a nih hma chu chhunzawm a ni ang — inremna ziah hun leh hmun chu rei lo teah puan a ni ang,” a ti bawk.
Hemi chungchangah hian Iran atangin chhanna a awm rih lo va. Trump-a hian Tehran nena inremna siam a nih thuai tur thu a lo sawi fo tawh a; mahse, lehlam sorkar hian a rawtnate a hnawlsak thin.
Trump-a hian US chuan Iran hi Ningani zan khan nasa takin a bei dawn tih a lo sawi tawh a, engtik lai pawhin Iranian tuialhthei hmunhma lian, Kharg Island chu lak a duh thu a sawi bawk a, Gulf-a ram pahnihten ni hnih an inbeih leh hnuah indona tak taka an kir leh mai hlauhthawnna a awm lian hman hle.
April thla tir atang khan inkahhai chak lo tak an kalpui mek bawk.
Iranian thuchhuah leh khawthlang lam thuneitute chuan a hma khan mi dang kaltlanga US-Iran inbiakna hi ngawrh taka tih a nih thu an lo sawi tawh a, tun kara indona thar a awm leh chuan buaina tihtawp thuai theihna tura ruahmanna a tichhe thung.
Trump-a’n Iran beih a tum a thulh thu a sawi avangin tuialhthei man a tlahniam nghal bawk.
Iran palai lawk, Mohammad Baqer Qalibaf-a chuan Trump-a’n vau chuan engmah hmanhmawha an tihphah loh tur thu a lo sawi tawh.
Indonaah hian mi sang tam tak an thi tawh a, a bik takin Iran leh Lebanon-ah thi an tam zual a, February 28-a US leh Israel tang dunin Iran an beih hnuah khawvel puma tuialhthei man a san phah hle bawk.
Trump-a’n Iran beih leh a tum thulh, inbiaknain hma lam a pan ti
