Donald Trump chuan Thawhlehniah man a nih a inrin thu sawiin amah thlawptute chu ram pum huapa lungawilohna liantham taka kalpui turin a ngen.
Mahse a lawyer chuan thuneitute leh law enforcement atangin engmah thu leh hla a awm loh thu sawiin Trump an ngenna a sima chhan chu media report behchhan a nih thu a sawi thung a.
Prosecutors te chuan Trump hekna awm thei te an enfiah mek tia sawi niin tunkar hi chuan an tifel chiang thei turah an ngai tia sawi a ni a.
Hek a nih chuan US president hlui laka criminal case siam awm chhun a la ni dawn bawk a ni.
He case hi Trump-an a lawyer kaltlanga porn star Stormy Daniels hnena kum 2016 presidential election hmaa a ka hup nana sum an pek kaihnawih zel a ni a. Trump hi chhuichian mek la ni rengin mahse thubuai engmah siamsakin a la awm lo va, amah chuan engmah tihsual a nei lo tiin atang tlat thung.
Trump hian kum 2024 presidential election ah Republican nominee nih tumin hma a ,a mek a, a campaign mek tawh a ni.
A hma pawhin Trump hi impeachment trial tum hnih bakah Russia nena inkungkaihna nei tih te leh a chenna mar-a-Lago dapthut te a lo tawk tawh a, mahse chung te chuan a larna a belhchhah zual sauh emaw tihtur niin tuna a thubuai neih mai theih pawh hian a larna a tipunlun zual thei bawk.
Tuna a chungchang chhui mekah hian thubuai an siamsak dawn em tih engmah a la chiang lo chungin Trump thung chuan thuneitute chuan man an tum ngei dawn tiin a sawi lawk thung a ni.
Trump hian thlawptu rinawm tak tak neiin 6 January 2021 pawh khan amah thlawptute chuan US capitol luhchhuah tawhin chet an la chiam tawh bawk a.
Kar kalta Inrinni han Trump chuan a social networking site truth Social ah Manhattan district attorney office atanga thil putru atangin Thawhlehni hian amah an man dawn tih tarlan a ni tiin a auchhuak a ni.
District attorney office pawhin engmah sawi an la nei lo va, Trump lawyer Susan Necheles pawhin engmah sawi a la nei lo bawk a, law enforcement official hnen atangin engmah dawn neih an la nei lo a ti bawk a.
“Political prosecution thil a nih avangin district attorney te hian press hnenah an tiputru hmasa thin a ni” tiin a sawi.
Republican Speaker of the US House of Representatives, Kevin McCarthy chuan Trump chhui chian mekna chu sawiselin ‘Radical DA (district attorney) tena thuneihna an hmansual turu a ni’ tiin a sawi.
Hei bakah hian inthlanah federal sum sen a ni em tih enfiah intiam bawkin Trump chhuina hrim hrim chu politics thila pawh luh vek tiin a sawi bawk a ni.
Tuna Trump thubuai neih mai theihna hi Stormy Daniels case tia hriatlar niin Trump lawyer Michael Cohen chuan Daniels hnenah hian a ka hup nan $130,000 a pek chu Trump hian a rul let leh a, Cohen hian sum a pek chu ‘legal fees’ tiin a ziaklut a, chutak chu prosecutor te chuan Trump an business record dik lo taka a kalpuina tiin an puh a ni.
Trump-an lungawilohna huaihawt turin tur
![](https://theaizawlpost.org/wp-content/uploads/tap_logo-min-large.jpg)