India star TT player Manika Batra chuan Nilaini khan India leilunga table tennis inelna lian World Table Tennis (WTT) Star Contender Goa an tihah a telna category hrang hranga match thum khelin hnehna a chang fai vek!
Panaji khaw tour-nament-ah hian Ma-nika hi Indian zinga women’s singles-a ranking nei sang ber niin, Nilaini khan 152nd ranked Englishwoman Ho Tin-Tin lakah 3-0 (11-4,11-8,11-5) hnehnain bula tan.
Hmeichhe doubles lamah inlan zuiin, a kawppui Archana Ka-math nen rim taka thawkin Hong Kong-China pair Li Ching Wan leh Zhu Cheng-zhu lakah 3-2 (8-11,9-11,11-5,11-6,12-10) hnehna an chang leh.
Tlai lamah Manika hian khelmual lut lehin, mixed doubles lamah Sathiyan Gnanase-karan nen tangdunin Korean pair Lim Jonghoon leh Shin Yubin lakah (3-1: 11-7,3-11,11-6,11-6) hnehna an sualchhuak leh ta bawk a ni.
World Table Tennis (WTT) Star Conten-der Goa-ah hian vete-ran Achanta Sharath Kamal erawh singles lamah first round paltlang zo loin a chipui naupang zawk lakah a tlawm a; chawhma lamah Sharath leh Sathiyan Gnanase-karan tangdun pawh men’s doubles pre quarter-final match paltlang zo loin Ko-reans Jaehyun An leh Seungmin Cho lakah 1-3 (6-11, 7-11, 11-7, 8-11)-in an tlawm.
Nilaini inkhel hnu-hnung berah rising Kazakh star Kirill Gerassimenko chuan reigning Common-wealth Games cham-pion Sathiyan chu straight games (3-0: 11-8,11-7,11-8)-a hnehin Indian thinlung a chhun na!
TT inelna liana chak nghal Manika
![](https://theaizawlpost.org/wp-content/uploads/2023/03/tt.jpg)