London club lian Chelsea chu captain nei lovin an awm mek a. An captain thar tur inrinsiakna titi a ngaihnawm thei hle. Manager thar Mauricio Pochettino hnuaiah captain thar ni tura rinkai zualte kan tarlang ang.
Chelsea captain Cesar Azpilicueta chuann kum 11 zet a chamchilh tawh Stamford Bridge chhuahsanin La Liga club lian Atletico Madrid a zawm a. Captain Azpilicueta a chhuah bakah hian mual chhunga hruaitu nih tling Jorginho chuan January thla khan Arsenal a pan tawh bawk. Azpilicueta leh Jorginho bakah hian an senior player N’Golo Kante leh Mateo Kovacic ten Stamford Bridge an chhuahsan fel tawh bawk. Senior player an chan rual deuh thup vangin captain thar an neih ngei a ngai dawn a. Captain thar tur chungchangah manager thar Pochettino-a’n thutlukna liam a siam thuai a ngai dawn. Chelsea captain thar ni tura rinkai zualte:
6. Enzo Fernandez
World Cup 2022 ah Argentina champion puitu, muallai player pawimawh tak Enzo Fernandez Fernandes hi Chelsea in an lak luhna a la rei lo a, January 2023 khan Benfica atangin an la lut chauh. Chelsea a zawmna la rei lo viau mah se leadership nei tha deuh mai a ni a. Mualchhung leh pawnah hruaitu nih tling niin amah ngei pawhin hruaitu nih a, naute han ho khawm vel nuam a tih zawng a lo ni bawk. Hruaitu tha tak ni bawk mah se duh ang thala English a la thiam nal tawk loh vangin team lian captain atan em chuan a la iaiawm deuh thung.
5. Ben Chilwell
Kum 2020 a an lak luh chauh ni mah se Bel Chilwell hi Chelsea captain ni tura rinkai zingah a tel der tawh. Premier League leh Champions League-a champion tawh a ni a, England player tangkai niin ram tan tawnhriat a nei tha viau bawk. A tawnhriat tha tak leh khelmual chhung leh pawna hruaitu nih tling a ni a, Blues captain thar a ni nawlh a nih pawhin a mak lo ang.
4. Kepa Arrizabalaga
Si nghak manto Kepa Arrizabalaga hian No. 1 dinhmun hloh chang nei mah se Edouard Mendy a chhuah tawh bawk si vangin a dinhmun a sawh nghet viau tawh a. Pochettino hnuaiah hmun pawimawh changin, No. 1 ni nghet rih tura ngaih a ni. Season liam taah Frank Lampard-a’n a enkawl lai khan Stamford Bridge-ah Brighton an hmachhawn tumin captain ban hren a lo hreng tawh nghe nghe a, captain thar ni tura rinkai zual zingah a tel.
3. Raheem Sterling
Chelsea in Manchester City atanga an lak luh Raheem Sterling hian season liam ta khan hmun pawimawh a chang reng thei lo. Tawnhriat ngah, chak duhna thinlung pu tlat mai a ni hi an manager thar Pochettino duh zawng tak mai a ni a, Sterling hian season tharah hmun pawimawh a chan ngei a rinawm. Manchester City tan a khelh laiin inelna hrang hrangah hlawhtlina an chang a, tawnhriat a nei tha viau tawh. Gareth Southgate hnuaiah England player pawimawh a ni a, khawih chet thiang loh tluk a ni deuh reng. Tawnhriat nei tha tak a nih vangin Chelsea captain thar ni tura rinkai zingah a tel.
2. Reece James
Chelsea academy chhuak, Chelsea em em mai Reece James hian a chawrchhuahna leh a hmangaih club Chelsea capain nih a chak hle. England leh Chelsea defender rintawl James hi football club ropui Real Madrid pawhin lak tumin an ngaihven a. Amah hi chuan Real Madrid zawm aiin Chelsea captain nih a chak zawk. Club player pawimawh, Champions league-ah pawh lo champion pui tawhtu Reece James hian Chelsea captain thar nih theihna hun tha tak a nei a. A chak em em captain a la ni em lo a nih pawhin Vice captain a nih ngei erawh a rinawm. James hi captain a ni lo a nih chuan defender tawnhriat ngah Thiago Silva hi Blues captain thar ni tura ngaih a ni.
1. Thiago Silva
Brazil defender tawnhriat nghah, kum leh hmelah pawh captain nih phu deuh vung tawh Silva hian Azpilicueta leh Jorginho te an chhuah hnuin captain nih theihna hun tha leh zual a nei. Season liam ta pawh khan captain ban hren a hren zauh zauh tawh bawk a, Chelsea captain thar a nih zui rinna lian tak a awm. Kum 38 mi zet ni tawh mah se Silva hi Chelsea player pawimawh leh tlo ber pawl a la ni reng. Hei vang hian captain thar a nih a rinawm a, captain a nih rei zawng tur hriat lawk ni lo mah se hruaitu tha an mamawh lai hian Captain a nih rih tura ngaih a n
Tu nge Chelsea captain thar ni ang?
