Tualchhung thilsiam phochhuak
Serchhip district pualin Tribal Artisan Mela (TAM) chu Ningani khan Serchhipah buatsaih a ni a. District bawrhsap Nazuk Kumar chuan a telpui.
Mela-ah hian UD&PA, Cooperation department leh MzSRLM hmalakna hnuaia self help group, cooperative society leh mimal thilsiam thiam mi 60 velin an thilsiam an pho chhuak a. An thil phochhuah hi TRIFED lama mithiamten endikin, liantham leh zau zawka zawrh theih dan, hlawk zawka hralh theih dan te an en. Sample pho chhuahte hi an hmunpui lama thawn turin an lei sak bakah TRIFED hian registration an neihpui bawk. Tuna in-register /empanel tawhte tan hian India ram khawpuia TRIFED Mela an la neih leh zel turah pawh kalna hun remchang siamsak theih an beisei a ni.
TRIFED hotute hi Head office New Delhi leh Mizoram viltu Regional office West Bengal atangin leh, NE Handicraft & Handloom Development Corporation aiawh an lokal a ni.
TAM-in a tum ber chu, hmun kilkhawr zawk amiten an thilsiam phochhuahna remchang an neihna tur leh an thiamna hmanga intodelh tir tura tanpui a ni a. Vawiin, April 28 hian Thenzawlah neih a ni ang.
Tualchhung thilsiam phochhuak
