Tualthattu dam chhung tang dawn
Kolasib Fast Track Court chuan tualthattu Lalthakima (34) Lungmuat Kolasib district chu dam chhunga jail tang turin a hrem.
2020 November 10 chawhnu dar 1.15 khan Lalrammawia (53) chu a mu lai a nau Lalthakima chuan hreipuiin a chek a, ka pawh chhawn lohin a thi.
Thudawn danin, an unau pahnih hi inngeih lo tak niin, ni dangah pawh inhauin an intibuai fo thin nia sawi a ni a. Thil thlen lai hi hmutu awm lo mah se, an pa ber thuthlengseia mu chuan an thawm ri hria in a harh a, khuma a fapa upa zawk hliam na tak tuara awm leh a bula hreipui kenga a nau awm chu a hmu a, a va enchian chuan Lalrammawia hi a lo thi tawh a ni.
Magistrate hmaa a inpuan danin Lalthakima hian, kha thil thlen ni chawhma lamah khan a u nen an inhau a. A u hian kut a thlak a, an chenpuiten an thelh avangin an intibuai zui ta lo a ni. Chawhnu hera a u mutna lama a va kal chuan a u hian silaia kah a lo tum niin a sawi a; a bula hreipui awm chu chuhin a chek ta mai niin a sawi.
Tualthattu hi Kolasib District Jail-ah a tang mek a. Fast Track Court judge R Vanlalena chuan he thubuaiah hian Thawhlehni khan thutlukna a siam a, Lalthakima hi lung ina dam chhung tang turin a hrem a ni.
Tualthattu dam chhung tang dawn
