Serchhipa tualthihna thleng chhuizui turin Mizoram Police chuan Special Investigation Team (SIT) an din.
May 16 zing dar 5.00 vel khan Chhiahtlang Chhimveng nupa an loa feh tura two wheeler-a inphur chuan Bukpui nen an inkar, Chhiahtlang atanga km. 1.5 velah kawnga thisen kai leh kawngsira chapal, sana leh mobile phone awm chu hmu in, an enfiahnaah kut inthlakna leh kut inthlakna hmanrua nia ngaihte an hmu a, thisen bua an chhuizuinaah kawngthlang metre 15 vela ruang awm chu an hmu zui leh ta a ni. YMA hruaitute an hrilh hnu ah an ni hian police an hrilh chhawng a, police-te hian hma la zuiin forensic expert chah an ni bawk.
Ruang hi tunge a nih hriat zui nghal mai a ni a. Lalsangzuala (31) Mission Vengthlang Aizawl a ni tih finfiah a ni. Amah hi national highway kawng laih zauh hna thawktu NHIDCL hnuaia thawk (computer operator) niin, Bolero a neih avangin cmompany hian a lirthei hi an hmansak bawk a, lirthei erawh hi chu midang a khalhtir thin nia sawi a ni.
Thudawn danin, Lalsangzuala hian May 15 khan Aizawl atangin Serchhip hi lirthei dangin a thleng a, a lirthei khalhsaktu Chhiahthlang Chhimveng ami Lalramtluanga chuan Chhingchhip dai, Thinghmunzawla NHIDCL Camp atangin a va hruai a, an inah chaw te ei nghalin riak nghal tura inti an ni.
Zan dar 9.30 vela mu tura an kalsan hnu ah, an in atanga a chhuah emaw a kalna emaw an hre zui ta lo niin a lirthei khalhsaktute hian an sawi a. He lirthei (Bolero) hi Chhiahtlang Chhim Veng YMA Run ep mim in kawta thing dahkhawm su in a tlan lawn a, hetah hian hnutchhiah zui a ni. He lirthei hnutchhiahna bula in neitute chuan, zan rei lam, a hun an hriatchian lohah lirthei thawm hi chu an hria a, ngaihven turin pawnah an va chhuak lo niin an sawi thung.
Chanchin buatsaih lai hian Serchhip Police chuan rinhlelh man an la nei loa, a chhuichiang turin Special Investigation Team, Serchhip SDPO Kaste Romalsawma kaihhruai an din tih thu dawn a ni.
Tualthihna chhui tur SIT din
