Engineer leh commercial driver rual bakah lirthei lama tui ve hrim hrim ten an buaipui hnuah 1978 Land Cruiser ‘Mudcrab’ chu Darwin Harbour a tui chhung, meter 30 a thukah te kalin, km 7 a thui tui chhungah a kal thei a, Guinness World Record chi hnih- motor zinga tui chhunga kal thuk thei ber leh motor zinga tui chhunga kal thui thei ber record a siam.
He 1978 Land Cruiser, an dah tawl mai mai tawh hi an waterproof electric engine vuahin, a tyre-ah tui kg 150 a rit an thun bawka, tichuan tui chhungah an khalh lut ta a ni. He Land Cruiser hi tui chhunga thim mup maia han khalh vel chu thil awlai a ni lo tawp mai a, commercial driver 30 rualin an inkhalh chhawk a, tui chhung, meter 30 a thuka kal an nih avangin chutiang hmuna motor khalh pawh chu thil awlsam tak a ni lo. Driver te hian minute 15 te tein an inkhalh chhawk thin a, tui chhunga darkar 12 an khalh hnuah record hi an siam ta a ni.
Tui chhunga motor kal thui thei record siam
