Food Civil Supplies & Consumer Affairs (Legal Metrology) leh Bureau of Indian Standards (BIS) Guwahati buatsaihin February 17 & 18 chhung hian Public Health Engineer department (PHED) Mizoram thawktute tan capacity building programme neih a ni.
BIS hi India rama quality standard thuneitu sang ber a nih angin tui in tur (drinking water) atana pawimawh BIS standards hrang hrang, water management, sewage treatment plants, biodigesters, rainwater harvesting, septic tanks, pumping sytems atan BIS standards zir leh sawiho a ni.
He programme hi State Level Committee on Standardization, Quality Control & Quality System-in a lo rel tawh, sawrkar department hrang hrang tana quality standard chungchanga awareness programme ruahman kal zel a ni.
Hemi hun hmang tur hian BIS atangin BIS joint director, scientist-E Lamsuanlung Tonsing, BIS deputy director scientist-C Ashutosh Rai leh TCS officer, ONGC Tripura chief manager Er Rajesh Kumar Das an lokal a, a nikhatnaah hian inbiak hmuh theihna hmangin Rural Water Supply Hyderabad atangin Rajeshwar Rao Bandari, EE (Rtd) leh Dinking Water Supply & Asset Management expert, scientist-C Dheeraj Dhamachya ten an hmanpui.
Tui thianghlim zawk neihna atan BIS standards zirpui
