Tun hnaiah Mizoram sorkarin tuialhthei atanga sum a hmuh zat a tlahniam duai a, awihawm loh khawpin a tlahniam.Mizoram sorkarin tuialhtheiah hian cess a la a, pawisa kum kal lai hi April-a intan niin, April-ah Rs 25,02,92,463 hmuh a ni a, May-ah Rs 2,22,02,782 hmu a ni. Rs 22,80,89,681 lawihin a tlahniam a, za zela chhutin a tlakhniamna hi 91.13 % zet a ni.
2024 September-ah tuialhtheiah cess lak tan a ni a, 2024 September ni 1-ah petrol man leh diesel mante Rs 4 ve vea tihsan niin, Rs 2 chu Road Maintenance-ah lutin, Rs 2 dang chu Social Infrastructure & Services-ah a lut. Chu chu tun hnai thla hnihah nasa takin a tlahniam a ni.
April-ah khan12,51,46,231 tuialhtheia cess lak atangin Rs 12,51,46,232 a lut a, Social Infrastructure & Services Rs 12,51,46,231 a lut. May-ah Road Maintenance-ah Rs 1,11,01,391 a lut a, Social Infrastructure & Services-ah Rs 1,11,01,391 bawk a lut. April thlaa cess hmuh zawng zawng hi Rs 25,02,92,463 a ni a, May-a lut zawng zawng hi Rs 2,22,02,782 a ni.
Tuialhthei atanga cess lak tan kum 2024-25 khan Road Maintenance-ah Rs 13,25,12,578 hmuh a ni a, Social Infrastructure & Services-ah Rs 13,25,12,578 hmuh a ni. Financial year liam ta 2025-26 khan social infrastructure & services-ah leh road maintenance-ah Rs 45,65,46,042 ve ve hmuh a ni.
2026-27 chhunga cess hmuh tawh zat
8 April-ah Road Maintenance-ah Rs 12,51,46,232
8 April-ah Social Infrastructure & Services-ah Rs 12,51,46,231
8 April-a hmuh zawng zawng Rs 25,02,92,463
8 May-ah Road Maintenance-ah Rs 1,11,01,391
8 May-ah Social Infrastructure & Services-ah Rs 1,11,01,391
8 May-a hmuh zawng zawng Rs 2,22,02,782
Tuialhthei atanga sum hmuh tlahniam nasa
