Tuialhthei manin a sang zel, stock market tlahniam thung
Khawvel pumah tuialhthei man chu barrel khat $110 (£82.74) chungah a chho ta a, stock market-te pawh a tlahniam bawk a. US-Israel leh Iran indona nasa tak avangin Strait of Hormuz kaltlanga bungraw phurhna chu hun rei tak a buai hlauhthawnna a lian zel bawk.
Iran chuan Pathianni khan Mojtaba Khamenei chu a pa, Ali Khamenei thlaka Supreme Leader atan a ruat a, hei hian buaina chhuak atanga kar khat a liam hnuah pawh kal na pawlten ram an enkawl chhunzawm zel dawn tih a tilang.
US leh Israel chuan kar tawp khan Iran pumah van sang atangin beihpui an thlak thar a, oil depot telin hmun hrang hrang an kap.
Heng lai vel atanga energy thawn chhuah buaina lian tak hian khawvel hmun hrang hranga a hmangtu leh sumdawngte tan thil man a tisang mek zel.
Thawhtanni zing khan Asia-ah Brent crude chu 24% velin a sang a, $114.74 a ni a, Nymex light sweet pawh 26% chuanga sangin $114.78 a ni.
Asia-Pacific biala stock market-te chu zinga sumdawnna lamah nasa takin a tlahniam a, Japan-a Nikkei 225 index chu 7% aia tamin a tlahniam a, Hong Kong-a Hang Seng chu 3% aia tamin a tlahniam a, Australia-a ASX 200 chu 4% aia tamin a tlahniam bawk.
Buaina chhuak tuar tak, South Korea-a Kospi index chu 8% chuang zetin a tlahniam a, hei vang hian minute 20 chhung zet sumdawnna tihtawp a ni.
Circuit breaker an tih, chiaina a awm avanga thil hralh vang tihtawp nana nana siam chu 12% zeta Kospi a tlakhniam avangin Nilaini atang khan hman tan a ni bawk.
Khawvela tuialhthei phurh hmun ngaa thena hmun khat vel chu Strait of Hormuz kaltlanga thawn chhuah thin a ni a; mahse, kar khat kalta atanga indona a lo chhuah atang khan bungraw phur kal chu a tawp ta vek rih a ni.
Sumdawnna lama mi thiamte chuan tun kar hian tuialhthei hi barrel khatah $100 a tling dawn niin an lo sawi lawk tawh a ni.
Kar hmasa khan Gulf-a tuialhthei thlitfim loh leh liquefied natural gas (LNG) barrel maktaduai tam tak tang, Strait of Hormuz paltlang thei lo leh duh lo awm mah se thil man a nghawng na lutuk rih lo.
Kar tawpa thil thlengah Iran leh Gulf ram pumah pawh energy hmunhma tihchhiat a ni a, hei vang hian sumdawnnaah hlauthawnna a awm ta a ni.
Mi thiam thenkhat chuan strait hi March thla tawp thleng khar a nih chuan tuialhthei man hi barrel khat $150 aia sang a ni thei dawn niin an sawi.
Tuialhthei mn sang a kaihhnawih thil – thlawhna tui leh lei tihthatna lam chi thlengin a man a nghawng.
Gulf atanga phurh chhuahte hi Asia khawmualpuia chengte rin ber a ni a. Asian-te chuan US boruakalhthei man an tisang tawh a, Europe pan tur tuialhthei phur thenkhat chu Atlantic lailiah inherin Asia an pan hlawm bawk.
US President Donald Trump-a chuan thil man sang chungchangah hun rei lote chhunga man to chu Iran-in nuclear hlauhawm a neih theih tihbo nan ‘man man tlem pek tur’ a nih thu a sawi.
A energy secretary chuan Pathianni khan US broadcaster-te a kawmnaah US ni lovin Israel-in Iran energy hmunhma a beih thu a sawi bawk.
Tuialhthei manin a sang zel, stock market tlahniam thung
