Sawrkar laipui DoNER ministry-in One Time Special Assistance hnuaia cheng nuai 114 senga Lunglei district Tlabunga Safe House sak zawh tak chu Inrinni khan bawrhsap Ramdinliani’n a tlawh a. A enkawl zuitu tur department kuta hlan hmaa enfiah ngai endikin, Tlabunga GAD-in a enkawl zui huna mamawh tur thil tul dang a rang lama ngaihtuah turin a satute a ngen.
Safe House hi fur tuilen laia insasengna tur hmun remchang neilote inthiarluh lailawkna atan ruahman a ni a, tuiin a chim phak lohna tur hmun Tlabung Zawlpui Venga Thangliana mual sir hmun remchang laiah chhawng khata sak a ni.
NABARD RIDF sum hmanga Tlabunga Supply Chhek In sakna tur hmun pawh bawrhsap hian a tlawh a. Tuna supply kudam awm sa bak, a dang sak belh a nih chuan tum khatah buhfai tam lehzual chhek khawl theih a nih tawh dawn avangin, Tlabung bakah a chhehvel khaw hrang hrangin an chhawr tangkai dawn tih a sawi.
Tuilen laia insasengna siam
