Tuiluankawrah tuichhia luanluh tir tur
Mitinin an tuichhiate tuiluankawra luanluh tir a, mahni ram chhung lungrem a him tawh em tih enfiah tura chah an ni.
District Disaster Management Authority Aizawl chairman, district magistrate ni bawk chuan a huamchhunga mipui hriattirna a tichhuak a. Khua a thal chho in ruahtui a hul tan a, ruahtui a tlak leh hma in chhiatna thleng thei laka mitin kan him theihnan mitinin tuidawn leh tuichhe paihna mumal taka siamin, tuidawn leh tuichhe paihna tuiluankawrah luanluh tir vek turin a ti. Ruahtui khawlten kan tui khawl luangliam mumal takin tuiluankawrah a luan chhuahna siam turin a chah bawk.
Vengchhung tuiluankawr a that tawk leh tawk loh uluk takin vengtin local council/ village council ten enfiahin, bawlhhlawh hnawhtu awm tifaiin tui put theihna awm thawmtha turin a ti a. Mahni ram chhung lungrem a him tawk leh tawk loh uluk taka enfiahin, a him tawk lo thawmtha turin ram neituten hma la turin a ti a. Hei hi LC/VC ten lo enfiah pui turin a ti.
Thingkung tluk hlauhawm leh zar thlak ngaite a ram neituten Forest department-ah phalna la hmasa in, thenfai hna thawk turin a ti a. Vantlang hmuna lungrem a him leh him loh LC/VC ten enfiahin, thawmthat ngai chu a changtu department-ah a ranglamin thawmtha turin an hriattir bawk.
Kawng enkawltu – PWD, BRTF leh NHIDCL ten an kawng hmangtute tana hlauhawm thei lung tlak hlauhawm, thingkung tluk hlauhawm leh leimin mai thei hlauhawm enfiahin, thal laiin a thenfai hna thawk turin a ti.
Veng/ khaw tin LLDMC/VLDMC ten heng thuchhuah zawm a nih leh nih loh hi lo enfiahin, a zawm lo chu DDMA Aizawl hnena thlen turin a hriattir a ni.
Tuiluankawrah tuichhia luanluh tir tur
