Tum khata heroin man
hnem berah kg.8+ man
Mizoram Police-in tum khata heroin an la hman hnem ber tum ni turin kg.8 an man a, he thila inhnamhnawih nia hriat mi pathum an man nghal bawk.
Mizoram Police hotute sawi danin, November 26 zing dar 1.00 khan Mizoram Police CID Special Branch team chuan lirthei pahnih, pakhat zawk Tlangsam Champhai (via Kelkang, Biate, Keitum) atanga lokal Bolero MZ-04/ A 9872 leh Aizawla lo hmuaktu pik up MZ-06 6021 atangin heroin kg 8.058 (hawng 664), chu Cheuva Tlang Thuampui Aizawlah an man.
He thila inhnamhnawih nia hriat mi pathum – Lalrohnuna Fanai (33), Tlanghmingthangi (43) leh Lalmuanzuala (24) Tlangsam Champhai lam mi vek chu an man a ni.
Heroin hi ‘V’ ciggarette bawm 984 leh ‘Win’ ciggarette bawm 955 kara thuhruk a ni a. Ruihhlo tawlhrutu mi pathumte bakah lirthei pahnih leh mobile phone pali man niin, Special Narcotic Police Station-ah thubuai ziahluh a ni. Tun tum ami hi Mizorama tum khata heroin man hnem ber record nia hriat a ni.
Tum khata heroin man hnem berah kg.8+ man
