Tum khata necktie awrh hnem record siam
Canadian politician, Marwah Rizqy chu Canadian TV show Infoman-ah inlanin, necktie 360 awrhin, Guinness World Record a siam. Marwah hian necktie hi a mal te tea awrhin, 360 a awrh meuh hi chuan a necktie awrhin a hmel a hliah lek lek tawh. Guinness World Records chuan tum khata necktie awrh hnem berah a puang.
Quebec a Member of National Assembly ni thin, Marwah hian an chhungkaw tana hun tam zawk hman a duh tawh avangin kumtir lam kan a nihna atanga banna a lo theh lut tawh a, a politician nun chawlhsan tur thlah nan Quebecois show hian world record siama an show-a inlan tur hian an sawm ta a ni.
A hmaa hetiang record chu, 2023-a Brazilian David Aparecido Dos Santos Araujo siam niin, ani hian tum khatah necktie 330 a awrh a. Marwah chuan, “He chona hi hmeichhia ten mipa tih theih ang hi kan ti ve thei tih leh hmeichhia te pawhin tie tam tak kan awrh thei tih entir turin ka pawm ta a ni,” a ti.
A necktie awrh tur te hi suih lawk sa vek niin, chu chu a mal te tein a awrh ta a, minute 48 chhung hun a hmang a, a awrh zawh vek hnuah Guinness aiawha endiktuin a chhiar leh vek a, chumi hnuah an pawm sak ta chauh a ni.
Tum khata necktie awrh hnem record siam
