African Swine Fever (ASF) hriin Mizoram hmun thenkhat a tibuai mek a, tun hnaiah he hrileng hi a zia deuh; June thlaah a nasa rih lo.
June ni 7 leh ni 8-ahte khan ASF vanga vawk thi a awm lo a, heng ni hnihah hian ASF vanga vawk suat a awm lo bawk.
Kumina ASF hrileng hi March ni 20-a intan a ni a, hemi hnu hian ni tina vawk thi a awm hnuah May ni 11-ah khan vawk thi a awm lo. Kuminah ASF finfiah a nih hnuah ni thum chhung chu ASF vanga vawk thi a awm lo tawh.
Ni hnih chhung vawk a thih loh hnuah a tukah vawk thi zat 33 tih a ni leh a, hei hi report dawn tlai a awm vang a nih thu AH&Vety department lam chuan an sawi. Ni 10-ah vawk 12 a tlahniam a, 12 a thi. Ni 11-ah a pung leh hret a, 13 a thi.
AH&Vety department chhinchhiah danin, kuminah June ni 11 thlengin ASF vangin vawk 4748 a thi tawh a, 1489 tihhlum/suat (cull) a ni tawh bawk.
He hri hi district pali, Mamit, Lunglei, Lawngtlai leh Siaha district-ahte finfiah a ni tawh a, district dang a la kangkai rih lo hlauh.
Tun hnaiah ASF hrileng a zia
