Tun kum 10 chhunga Apple Music-a hla stream nasat ber ‘Shape of You’
Apple Music chuan an kum 10 tlin pualin, tun kum 10 chhunga an streaming service a hla stream nasat zual 500 list an tichhuak a, Ed Sheeran hla hit ‘Shape of You’ chu No.1 niin, The Weeknd ‘Blinding Lights’ leh Drake ‘God’s Plan’ ten an dawt.
Ed Sheeran hla hit ‘Shape of You’ hi 2017-a a tlangzarh kha niin, tun kum 10 chhungin Apple Music-a hla ngaihthlak nasat ber a ni a, hei bakah hian a hla a tichhuah hlimchhawnah khan Apple record siamin, nikhat thil thuah Apple Music-a hla stream nasat ber record a siam tawh bawk.
He list top 10-ah hian Post Malone & Swae Lee ‘Sunflower,’ Posty ‘Rockstar’ featuring 21 Savage, Drizzy ‘One Dance’ featuring Wizkid & Kyla, Travis Scott ‘Sicko Mode,’ Ed Sheeran ‘Perfect,’ Chris Brown ‘No Guidance,’ leh Billie Eilish ‘Bad Guy’ te pawh an lang a, The Chainsmokers & Halsey ‘Closer’ chu No.11 niin, Kendrick Lamar ‘Humble’ chu No.15 a ni a, Ariana Grande ‘7 Rings’ chu No.19 niin, BTS ‘Dynamite’ chu No.34-ah a lang bawk.
Apple Music Top 500-ah hian Drake-a’n hla a ngah ber a, a hla 27 a lang a, Taylor Swift-i’n dawtin, a la 14 a lang a, Mariah Carey hla ‘All I Want for Christmas Is You’ chu No.100 niin, he list-a Krismas kaihhnawih hla lang thei awm chhun a ni.
Tun kum 10 chhunga Apple Music-a hla stream nasat ber ‘Shape of You’
