Site icon The Aizawl Post

Tun thlaah lirthei thar 1400 chuang

November thla chawhnu lam a intan vel mek a, Mizoramah lirthei thar sang chuang a awm tawh. Ni 17 thleng khan tun thlaah lirthei thar 1480 a awm.
Transport department chhinchhiah danin, thla hmasaah khan lirthei thar 3126 ziahluh a ni a, kumina lirthei thar tam ber thla chu July kha niin, a thar 3501 a awm.
Tun thlaah lirthei 1480 ziahluh thar a ni a, a tam ber chu motor cycle/scooter (two wheeler) a ni a, a thar 1138 a awm. A dawttu chu motor car a ni a, a thar 176 a awm.
Transport department-in lirthei thar hi transport leh non transport-ahte an then a, transport hi 154 niin, non transport 1326 a awm.
Non transport-ah hian construction equipment vehicle pariat, excavator (JCB) pakhat, motor car 176, earth moving equipment (lei laihna) pathum leh two wheeler 1138 a awm.
Two wheeler thar 1138 han tih hian mimal hman tur (non transport) sawina a ni a, non transport 1138 bakah hian two wheeler (transport) thar 28 a awm. Two wheeler (transport) hi two wheeler taxi a ni. Three wheeler (transport) thar 13 a awm bawk a, hetiang hi auto rickshaw a ni.
November thlaa lirthei ziahluh tharah hian heavy goods vehicle 14 leh light goods vehicle 80 a awm a, light motor vehicle (car) 176 a awm.
8 November-ah two wheeler (transport) thar 1138 a awm tawh
8 November-ah two wheeler (non transport) thar 28 a awm tawh
8 Two wheeler thar hi a vai chuan 1166 a ni
8 November-ah car thar 176 a awm tawh

Exit mobile version