Thuneitute chuan Uttarakhand state a tunnel chhunga hnathawk tang 41 te lakchhuah tumin theihtawp an la chhuah zel a, chhanchhuahna tura ruahmanna \henkhatten harsatna a tawk nasa hle a ni.
Rescuer te chuan lung lian tak chu verh kua in chutah chuan vah chhuah theih turin ruahmanna an kalpui a, mahse, karkalta Zirtawp khan drilling machine chu a chhiat avangin a buai zo ta a ni.
Hnathawk te chu leimin avanga tunnel chim chhungah karhnih chuang an tang tawh a. A tir a\ang rengin chhanchhuah hna a hautak hle a, a chhan ber pawh boulder tla reng te, lei nem bawk si leh tunnel chhunga metal verh tlang ngai vang te a ni.
Zirtawpni kalta khan hmasawnna a awm viaua a lan laiin drilling machine chu tunnel chhungah metal nena a inkahna lamah a chhia a, Thawh\anni zing lamah drilling machine chu lakchhuah fel theih chauh a ni bawk a.
Chutihlai chuan rescuer te chuan a phei zawngin tunnel chu an verh leh ta thung a. Official-te chuan tang mek te chhanchhuah nan manual pawha an laih mai tur thu an sawi bawk.
A tira ruahman ang chuan chunglam a\angin tunnel chu pawh tum a ni a, chumi atan chuan lei verh ngai chu 86m (282 feet) laia thui a ni a, Thawh\an zing thleng khan 31m an verh hman tawh a ni.
Uttarakhand Chief Minister Pushkar Singh Dhami chuan Silkyara tunnel a hnathawk tang 41 te lakchhuah tumin tute pawhin theihtawp an chhuah mek a ni tiin a sawi a.
“Tute pawhin theihtawp an chhuah a. Auger machine chhia pawh lakchhuah fel a ni tawh a. Kan bei \ha leh ang a, a rang thei ang berin kan lakchhuah theih kan beisei” tiin CM Dhami chuan a sawi bawk.
Tunnel-a tangte chhanchhuah tum zui zel
