Twilight TV series an siam dawn
Twilight fans tan chanchin lawmawm a awm e, a television series an siam mek niin report a awm a, Stephenie Meyer-i lehkhabu ziak behchhan hian Lionsgate Television chuan he TV series hi an buaipui a ni. A series siamtute lam chuan engmah an la puang tha duh lo a, bul an tan deuh chauh tih leh he project atan ian Meyer pawh an hnuk lut niin report a awm.
Twilight hi a film hmasa ber an tlangzarh atangin kum 15 dawn a liam ve leh tawh a, Edward Cullen lema chang Robert Pattinson leh Bella Swan lema chang Kristen Stewart te kan hmelhriat tanna kha niin, a film hi 2008-ah a pakhatna an tlangzarh a,, 2009-ah ‘New Moon’-in an chhuanzawm a, 2010-ah ‘Eclipse’ tichhuak lehin, a tawpna chu part hnih-ah thenin, 2011-ah Breaking Dawn- Part 1 a chhuak a, 2012-a Breaking Dawn – Part 2 an tichhuak leh bawk.
Kum ruk liamta khan Lionsgate CEO Jon Feltheimer chuan Twilight universe hi Meyer hoa la daidar zel a nih tur thu a lo puang tawh nghe nghe a, “Thawnthu tam tak a la awm a, a ziaktuin a thawnthu te min hrilh theih hun kan nghak mai chauh a ni,” a ti.
Twilight TV series an siam dawn
