Typhoon Yagi vangin Myanmar in tuarna

Typhoon Yagi vangin tuilian nasa takin Myanmar a nuai a, mi 230,000 chuangin an chenna in leh lo an chhuahsan tiin officials te chuan an sawi.
Ruling junta te chuan tuilian avanga chhawmdawlna foreign fund dilin capital Naypyidaw chu tuilian in a khawihnat zual zingah a tel.
Tuilian avanga nunna chan 33 an tling tawh tiin sipai sorkar chuan a sawi a. State-run daily New Light of Myanmar chuan chenna in leh lo chan leh chhuahsan te tan relief camp siam a nih thu a tarlang bawk a.
Asia a kumina thlipui na ber Typhoon Yagi chuan Vietnam a nuai hnuah Chinese island Hainan leh Philippines te a lo nuai tawh bawk a ni.
Junta chief Gen Min Aung Hlaing leh Burmese official dang te chuan tuilenna hmun te tlawhin chhanchhuahna leh chhawmdawlna kalpui dan te a hmunah kalchilhin an enfiah pui tiin state-run media te chuan an tarlang a.
Radio Free Asia te thung chuan nunna chan chu official report ai daiha a tam thu sawiin US thlawp boradcaster te chuan tuilian leh leimin avanga nunan chan chu mi 160 an chuang tiin a sawi ve thung a.
Taungoo a rescue worker chuan karkalta Inrinni khan Sittaung river khawchhak lam kamah tuilian avangin mi 300 chuang an tangkhang mek tiin a sawi bawk a. “Chung mite chhanchhuak tur chuan lawng mamawh tawk kan nei lo” tiin rescue worker chuan a sawi bawk.
Scientists te chuan typhoons leh hurricanes te chu climate change avangin a na in a zing tial tial tiin an sawi a. Ocean water luam zel chuan energy chak zawk siamin chu chuan wind speed sang zawk a thlen zel a ni an ti bawk.
Atmosphere lum chuan hnawng tam zawk kengtelin chu chuan ruahsur nasa zawk a thlen thei tiin sawi a ni bawk.
Myanmar mipui tam zawk te chu an rama civil war kum thum awh tawh leh mi dang tam tak thih phah tawhna leh mi maktaduai 2.6 vel tena an chenna in leh lo chhuahsan tawhna avangin harsatna namenlo an tawk tel mek bawk a ni.
UN’s Office for the Coordination of Humanitarian Affairs (OCHA)te chuan Myanmar mipui maktaduai 18.6 vel zet te chuan tanpuina an mamawh ngawih ngawih tawh tiin a sawi a.
International Red Cross (ICRC) te pawhin Myanmar a chhungkua tam tak te chuan tuithinag leh sanitation tha an mamawh tia sawiin basic medicine leh health care tel lovin an awm mek a ti bawk a.
“Armed conflcit leh tharumthawhna hlauin an nung mek a. An eizawna leh intunnunna ber te tihchhiata a awm avangin mi dang tam tak te chuan harsatna nasa tak an tawk mek a ni” tiin ICRS president Mirjana Spoljaric chuan a sawi.