UAE-in Iran chetna dem, US leh Iran inkap zui zel

UAE-in Iran chetna dem, US leh Iran inkap zui zel
UAE chuan Inran chu Strait of Hormuz-a tuialhthei phur pahnih ‘rawng taka’ a beihnaah mi pakhat thiin mi pariatin hliam an tuar tih a sawi a, hetih lai hian Donald Trump-a chuan US-in tui kawng a dan lehna tur leh a kaltlangte sum chawi 20% chang turin a ti.
US president hian Iran chu a zawna zan thum nan ‘na takin’ an kap leh tih sawiin ram pahnihte hi an inkap zui zel.
Iranian foreign minister chuan tui kawng khar tur puan chungchangah hi chhanga Trump-a tawngkam hmang hawhin, Strait ‘ENKAWLTU’ chu Tehran a la ni reng tih a sawi.
Strait of Hormuz thununtu nihna hi indo titawp thei lotu ber a ni mek a, hetih lai hian Trump-a chuan indawrna a la awm thei tih a sawi.
Tui kawng pawimawha boruak tang tak a awm mek lai hian Thawhtanni zan khan United Arab Emirates chuan Iranian cruise missile-in ram pahnih tuialhthei phur lawng kah a ni a, Indian thiin mi dang pariatin hliam an tuar a, pali chu an na hle tih a sawi.
Hliam tuar parukte hi Indian an ni a, Ukrainian pahnih an tel bawk tih UAE defence ministry chuan X-ah a tar lang.
“Defense ministry chuan rawng taka beihna hi a dem a, khawvel dan bawhchhiatna chiang tak a ni a, he bila himna tiderthawngtu a ni,” a ti.
Iran-a Islamic Revolutionary Guard Corps (IRGC) pawhin a hnuah Telegram-ah lawng pahnihte hian warning an zawm lo va, navigation system an off a, chil puah an dahna kaltlang an tum tih a sawi.
IRGC chuan an kah thu leh che thei lova an siam thu a sawi.
Indona avang hian Asia-ah chuan Thawhlehni khan tuialhthei man a san phah zel.
Strait hi US leh Iran inkara inrem theih lohna ber a ni a. Truth Social-ah Thawhtanni khan Trump-a chuan US-in Iranian lawng chawlhhmunte chu a dang leh dawn a, a kaltlang bungraw phurte atangin 20% charge a la dawn tih a tar lang.
‘Iran lawng leh a dawngtute’ chuan kawng pawimawh hi an lutin an chhuak thei dawn lo va, ‘ram dang lawngte tan erawh Strait hi hawn a ni ang’ tih a sawi a. Khar hi Thawhlehni tlai dar 04:00 (India-a Nilaini zing dar 01:30)-ah tan a ni dawn a ni.
US hian April thla khan Iranian lawng chawlhhmunte hi Tehran nawr nan a lo khar tawh a. Chawlhkar nga vel chhungin sumdawng lawng 100 vel lo dangin pali chu che thei lovin an siam tih sipaiten an sawi.
June thlaa memorandum of understanding an siam hnuah an hawng a, lawng pawh kal pangngai leh hman mah se buaina a awm leh a ni.
White House-a thuthar lakhawmtute a kawmnaah Trump-a chuan US hian ‘na takin a kap’ tih a sawi a. Inbiakna a awm em tih zawhna chu, “Aw, inremna hi awm thei a ni,” a ti.
US Central Command (Centcom) chuan Thawhtanni tlai dar 04:45 (India-a Thawhlehni zing dar 02:15) khan ‘Commander in Chief thu angin’ an kap leh tan tih a sawi.
A hnu darkar eng emaw zatah Bushehr, Chah Bahar, Jask, Konarak, Abu Musa leh Bandar Abbas-a Iranian sipai hmun tam tak an kap fuh a, ‘Iran-in sumdawng lawngte a beih theihna nasa taka tihchak loh a ni’ tih a sawi.
Iran-a sipaite pawhin a chhan let nan Kuwait-a US sipai hmunte an kap ve tih an sorkar chanchinbuin a tar lang.
Bahrain pawh an kap a, IRGC chuan ralthuam dahna tam tak, satellite communication centre leh US sipai awmna hmun an kap tih an sawi.
Thawhlehni zing khan IRGC hian Jordan-a air base chu ballistic missile hmanga an beih thu a puang bawk.