Thawhleh zana champions league khelhah EPL hmahruaitu Liverpool chuan an mikhual German champion Bayer Leverkusen chu 4-0 ngawtin an sawp. Liverpool tan hian Luis Díaz chuan hattrick a siam.
Liverpool leh Bayer Leverkusen te hian Anfield-ah inkhel hmuhnawm tak an lantir a, goal pawh a lut har hle. Darkar khat chuang zet goal thun thei an awm loh hnuin Liverpool tan hian Luis Diaz chuan minute 61-naah hmahruaina goal a thun. Hmahruaina goal an thun hnuin Reds lamin goal an thun ta zung zung thung a, goal thum ngawt an thun belh.t
Diaz goal thun atanga minute hnih hnu lekah Gody Gakpo chuan goal thunin an hmahruaina a tizau. Goal hnih an thun hnu hian Diaz chuan minute 83 leh 90’+2-ahte goal a thun belh leh a, hattrick a siam a, Reds hian an mikhual Leverkusen chu 4-0 ngwtin an sawp zui ta a ni.
Manger thar Arne Slot hnuaiah Liverpool hi an khel tha tak zet. EPL hmahruaitu an nih bakah Champions lamah khelh li chhung an chak zawn a, UCL hmahruaitu an ni bawk.
UCL-ah Liverpool in Bayer Leverkusen an sawp
