UD&PA minister chungah lawm
An ngenna anga building ruahman sa siamthat leh a nih avangin Aizawl Hmathlir Pawl chuan UD&PA minster K Sapdanga chungah lawmthu an sawi.
Aizawl khawpui chu chenna nuam leh hahdam zawk a lo nih leh theihnan a tul anga sawrkar hnena thurawn pe a, hma la tura pawl indin Aizawl Hmathlir Pawl hian UD&PA minister hnena an ngen angin, Assam Rifles Quarter Guard ep, Mahatma Gandhi lim awmna thina cafetaria (coffee shop) siamna tur UD&PA-in a lo ruahman leh building an sak tawh, thiah leh a ni chu an lawm hle tih a sawi a. Kal velte chawlh hahdamna tura thutna dah a, pangpar mawi tak tak dahna tura ruahmanna an siam chu lawmawm an ti hle tih a sawi.
Hemi chungchangah hian a bikin UD&PA minister chungah leh UD&PA department hotute chungah an lawm tih a sawi bawk.
Assam Rifles chhuah hunah pawh an kalsan tur ramah hian thing leh pangpar mawi tak tak phun a, Aizawl mipui thawk lakna atan leh len khawthawnna park nuam tak chauh siam a nih theihna’n sawrkar an ngen tih Aizawl Hmathlir Pawl hian a sawi a. Hemi sawipui tur hian chief minister pawh a hma thei ang bera hmuh an tum tih a sawi a ni.
UD&PA minister chungah lawm
