Pathianni zing khan UFC 311 neih a ni a, kawnghren inchuhnaah champion lai Islam Makhachev chuan awlsam takin Renato Moicano a hneh a, a zawna a vawi li nan a kawnghren a humhim a, lightweight huangah record thar a siam.
Lightweight champion Makhachev hian a kawnghren chuhpuitu Renato Moicano chu ngam takin a hmachhawn a, a nawr luatah a chesual teuh hle. A khingpuiin na taka a hnek fuh vangin Russian fighter hi a tlu teuh hle. Dinhmun derthawnga takah ding hman mah se a insiamtha thuai a, na taka a khingpui nawrin a keuh tlu. A keuh thluk hnuin a thiamna ril a lantir zui nghal a, harsa lo takin a khingpui hi a rek tlawm a, round khatnaa lekah submittion hmanga hnehna changin a kawnghren a humhim ta a ni.
Awlsam tama Moicano a hneh leh tak vangin Islam Makhachev hian a zawna a vawi li nan a kawnghren a humhim a, lightweight-ah kawnghren humhim zawn rei ber niin record thar a siam. Lightweight-ah hian a zawna vawi thum kawnghren lo humhim zawn tawh Khabib Nurmagomedov, Benson Henderson leh BJ Penn te chu kawnghren humhim zawn record siamtute an ni thin a. He record ding lai hi Islam Makhachev chuan tlan pelin, record thar arawn siam ta a ni.
Lightweight a kawnghren humhim zwn rei ber Makhachev hian UFC-ah fight vawi 27 hmachhawn tawhin vawi khat chiah a la tlawm a. Fight a hmachhawn hnuhnung vawi 15-ah a chak vek nghe nghe a ni. Lightweight ah a vawk lal len rih em vangin Makhachev hi UFC Pound for pund-ah fighter tha bera ngaih a ni a. A hnuai chiahah hian UFC fighter ropui ber ang hiala ngaih leh palian champion ni mek Jone Jones a awm mek a ni.
UFC lightweight a Record thar siamtu Islam Makhachev
