UGC dan anga zirtirtu lak ngen

Mizoram College Teachers’ Association chuan Thawhlehni khan chief minister Lalduhoma hmu in thil pawimawh an thlen.
Chief minister hian sawrkarin Mizoram Education Service siam a tum thu leh an thil thlen chu mithiam zawkte nena an lo zirchian tur thu a hrilh.
MCTA hruaitute hian an pawl khawmpuiin a lo rel tawh thil pawimawh an thlen a. Ram mamawh mila University Grants Commission dan ang thlapa zirtirtu lak (direct recruitment) zel tha an tih thu leh, zirtirtu chi hrang tam lutuk chu tha loa an hriat thu sawiin, hei hian higher education quality a tichhia nia an ngaih thu an sawi.
Thalai lehkhathiamten college zirtirtu nih an chak loh phah deuh nia an ngaih thu an sawi a. Hei bakah hian an kaisanna thil, an zinga senior deuh e department lama awm ve tha an tih thu, pension an tam avanga zirtirtu lak belh a tul thu leh thildang an thlen bawk.