Lawngtlai district magistrate chuan Lawngtlai khawpui chhungah pawna ui chhuah chungchangah khuahkhirhna a siam.
Bharatiya Nagarik Suraksha Sanhita 2023 (BNSS) Section 163-in thuneihna a pek angin, district magistrate thuchhuak hian Lawngtlai khawpuiah mi tumahin khawlaiah ui chhuah lo tur leh an chhuah a nih pawhin a neituten chain-a thlunga kai turin a hriattir a. Khawlaia ui tla leh a nghawnga chain-a thlunna awm lo chu a neitu awm lo anga ngaih an ni dawn tih a sawi.
Thupek siam chhan hi, Lawngtlai khawpui chhungah ui khuahkhirh loh a tamin mipui nunphung a tikhaih lak a, harsatna nasa tak a siam tih sawiin, khawpui a lo thianghlim zawkna atan leh mipui him zawkna atan he thupek chhuah hi tula hriat a ni tih a sawi.
He thupek hian Lawngtlai district pum a huam dawn a, thu leh awm hma chu tihchhuah a nih atanga thla hnih chhung a huam dawn. Thupek zawm lote chu Section 223 Bharatiya Nyaya Sanhita 2023 (BNS) dan hmangin hrem an ni dawn tih a sawi a ni.
Ui khuahkhirhna siam
