France-a UK enkawl cruise ship-ah a chuang zinga mi 49 chu pum lam fel lo (gastrointestinal sickness) avanga an nawm loh avangin passenger 1,000 chuang che chhuak lo tura dah an ni.
Bordeaux-a tual chhung hriselna thuneitute chuan Ambition-ah hian passenger pathum chu an cabin-ah dah hran an nih thu an sawi a, passenger dangte pawh an chhuk thei dawn lo tih an sawi.
Cruise ship hran-a hri leng hi tun hnaia hetiang chi lawng bawka hantavirus leng nena a inzawmna neih hriat a ni lo tih an sawi bawk.
Essex-a Ambassador Cruise Line chuan BBC hnenah Pathianni khan lawngah hian mipa kum 92 mi a thi tih a sawi a; mahse, thi hian natna lang chhuak a nei lo va, a thih chhan hi finfiah a la ni lo.
Cruise enkawltute chuan, “Thi thiante leh chhungte chu a tul anga puihna kan pe a, an hun harsa takah hian thinlung takin kan tawrhpui a ni,” an ti.
Ambassador Cruise Line chuan thuchhuah hran siamin Nilaini chawhma khan passenger 48-in gastrointestinal illness nena inmil natna lang chhuak an nei tih an sawi a, thawktu pakhat a nuam lo bawk.
Cruise ship hi May 8 khan Belfast atangin a chhuak a, a tukah Liverpool lam a pan leh.
Lawngah hian khualzin 1,187 leh thawktu 514 an awm niin a enkawltu chuan a sawi.
Ambassador chuan thuchhuah an siamah Liverpool-a khualzin an chuan belh hnuah hri kai hi an pung nia sawi a awm thu a tar lang.
“Ambition-a khualzin leh thawktu eng emaw zatin gastrointestinal illness nena inmil natna lang an nei a, thenkhatah a lang chhuak tan mek bawk,” an ti.
Gastrointestinal illness hi natna tlanglawn tak a ni a, chu chuan kawthalo leh luak a thlen thin a. Puitlingah chuan norovirus emaw, ei tur ngeih loh eng emaw emaw avanga awm a ni tlangpui.
France-a Department of Foreign Affairs & Trade thupuangtu chuan ‘report-te chu a hria a, tanpuina pe turin a inpeih reng’ tih a sawi.
Nouvelle-Aquitaine-a regional health agency chuan thil awm dan enfiah turin lawngah medical team tirh an nih thu a sawi a, Bordeaux University Hospital-ah sample laka endik mek a ni tih a sawi.
UK lawnga pum na leng vangin a chuangte chhuahtir phal lo
