UK leh France tangrualin Syria-a IS hmun bei
Royal Air Force Typhoon indo thlawhnate chuan French thlawhna nen Syria lei hnuaia Islamic State group (IS) firfiakten an hman ralthuam awmna hmunte an kap tih UK Ministry of Defence-in a sawi.
‘Fimkhur taka’ hnuchhuina atanga hriat hmunte hi ralthuam leh puak thei dah khawmna hmun niin a sawi a, Syria lailia Palmyra hmar lam tlang ramah a ni.
“Kan indo thlawhna hian Paveway IV guided bomb hmangin a hmun panna lei verhte a kap a, an tum pawh hlawhtling takin a fuh a ni,” tiin MoD chuan a sawi.
Inrinni zan tlai tawh taka chetnaah hian civil mi an thih hriat a ni lo va, thlawhnate pawh him takin an kir leh vek tih MoD chuan a sawi.
Eng nge an kah tihchhiatte hi tih en zui mek a ni a, thuneitute erawh chuan ‘tum tak hlen chhuak’ niin an insawi thung.
Typhoon FGR4-te hi Voyager refuelling tanker-in a thlawp bawk.
IS hian Syria hmun thenkhat leh Iraq-ah kum 2019 khan ro an rel a ni.
RAF thlawhna hi Syria chungah hian kum 2019-a Baghuz indonaa IS hneh an nih hnuah ‘an tho leh tur’ veng leh thlithlaiin an patrol reng tih UK Defence Secretary John Healey chuan a sawi.
RAF hian kum 2014 atang khan ram hrang hrang tangrualten IS mite leh an hmunhmate an beihnaah tha thawhin aerial drone leh thlawhna a thawh chhuahpui nasa hle.
UN chuan IS hian Syria leh Iraq-ah fighter 5,000 atanga 7,000 vel la nei niin an sawi.
November thla khan Syria-a president thar, Ahmed al-Sharaa-a chu US kaihhruai tangrualah tel tharin firfiak pawl bei turin a inpe a, ram 90-na a ni.
Tangrual pawl hian IS la awm bângte chhut chimih vek bakah Middle East-a an thawhpui leh ram dang firfiakte pawh titawp zel an tum a ni.
UK leh France tangrualin Syria-a IS hmun bei
