British lal chhungkuain an khualtha, US President Donald Trump puala ruai an buatsaihah Prince William-a nupui, Princess of Wales, Catherine Middleton chuan Lover’s Knot tiara a rawn khim chhuak a, he tiara hi Prince William-a nu, boral tawh Princess Diana favorite niin an sawi.
Princess of Wales hi a nalh zek zawk khawp mai a, Windsor Castle-ah hian a pasal Prince William nen King Charles III leh Queen Camilla ten President Donald Trump leh First Lady Melania Trump tana state banquet an buatsaih kilpui turin an tel a. Kate-i hian British designer Phillippa Lepley kutchhuak silk couture gown leh evening coat, gold lace leh rose lem kuta thui ngei hmanga cheimawi bakah French knots leh satin-stitched blooms a inbel.
Kate, kum 43, hian Lover’s Knot tiara a rawn khim chhuak a, he tiara hi 19 arches & 28 drop-shaped pearls neiin, 1914-a Queen Mary tana an siam tawh kha niin an sawi a, chu chu Queen Elizabeth II-in a chhawm a, tunah Princess of Wales-in a chhawm ve leh ta a ni.
Kate-i hian Lover’s Knot tiara hi July thlaa lal chhungkuain French President Emmanuel Macron leh a nupui Brigitte Macron te puala state banquet an buatsaih tumin a lo khim chhuak tawh a, December 2023 khan Buckingham Palace-a diplomat rual chawhlui an kilpui tumin a lo khim chhuak tawh bawk.
Kate-i hian lal chhungkaw tlereuh hi a nalhpui thei khawp mai a, April 2011-a an inneihnaah Cartier halo tiara a khim te pawhin ngaihven a hlawh zui hle a, 1930s a mipui hmuh tura lal chhungkuain an khim chhuah hnua hmuh zui tur awm ta lo vang vang, Strathmore Rose tiara pawh November 2023 khan a lo khim chhuak tawh bawk.
UK state banquet-ah Kate Middleton a nalh
