Ukrainian-ten Inrinni zan zankhuain drone hmangin Russian khawpui, Belgorod beihnaah mi panga an thi niin regional crisis centre chuan Pathianni khan a sawi.
Belgorod region governor nihna chelh lailawk mek, Alexander Shuvayev-a chuan a tirah mi pathum an thi a, naupang pahnih telin mi 25-in hliam an tuar tih a lo sawi tawh a. Heng mite nen hian thi hi panga an tling tawh a ni.
Shuvayev-a chuan beihna an tawh avang hian apartment building pahnihah kangmei chhuakin chenna in leh chen lohna in tam tak a chhia tih a sawi.
Russian defence ministry chuan Europe lam chin leh Crimea, Black Sea leh Sea of Azov-ah Ukrainian drone tam tak an lo kap thla tih a sawi.
Black Sea-a Russian thil thlawn chhuahna lawng chawlhna lian, Novorossiysk-ah drone keh darh pahnihin hmun hnih a tlak tih Mayor Andrei Kravchenko-a’n a sawi.
Tual chhunga crisis centre chuan chenna in pathum a chhia a, mi pakhatin hliam a tuar niin a hnuah a sawi.
Bashkortostan region-ah Ukrainian drone hian in sak lai fuhin Ufa-ah crane a fuh bawk tih sorkar hnuaia RIA news agency chuan a tar lang.
Ukraine-in drone-a Russia a beihnaah mi panga thi
