Ukraine-in Drone hmangin Russia bei ve ta

Drone hmanga Moscow khawpui beih a nih hnuah Ukraine President Volodymyr Zelensky chuan Russia ram chu indona-in a chiah ve ta tiin a sawi.
Zelensky chuan Russian territory beih chu “‘loh theih loh’ leh thil thleng tur pangngai a ni tia sawiin ram pahnih te chu indo an nih tlat vang, a ti a.
Russia defence ministry chuan Ukrainian drone pathum an kahthlak thu sawiin pahnih chuan office a deng tiin an sawi bawk a.
Russia-a Vnukovo Airport pawh hun eng emaw chen atan kharin a awm bawk a. Drone hmanga beihna hi Russia chuan Ukraine tih a nih thu a sawi nghal a ni.
Zelensky thung chuan Ukraine chuan indonaah chakna a chang mek tia sawiin, “Vawiin hi Russian hruaitu tena kar reilote chhung chauh awh tura an ngaih leh sawi ‘Special military Operation’ ni 522 na a ni tawh” tiin a sawi a. “Zawi awiin indona chuan Russia territory a let leh tawh a, an centre leh military base te thleng tawhin hei hi thil pangngai leh thleng ve tur reng a ni,” tiin a sawi.
Tun anga Russia drone hmanga beih hi Russian mipui tam ber te Moscow ina run chu dik leh tihawm ngawih ngawiha ngaia an thluaksuk tawh te hrilhhriat ve na anga ngaih a ni bawk a.
Puak theiin Ukraine a den dawt dawt angin Russian te chenna in deng ve se la tia sawiin Zelensky chuan chu chuan Vladimir Putin an Ukraine a run a inthiamna te pawh pawm a ti harsa deuh ang, a ti bawk.
Hetih lai hian Russian President hlui Dmitry Medvedev chuan Pathianni khan Kyiv in counter-offensive a kalpui mekah a hlawhtlin viau chuan Moscow chuan nuclear weapon a hman mai a ngai ang, a ti bawk.
Medvedev hi Putin kaihhruai Russia’s Security Council deputy chairman niin Ukraine in ‘kan ram’ a la a nih chuan nuclear hman mai loh chu duhthlan tur dang a awm lovang tiin a sawi a ni.
Russian capital Moscow hi Ukrainian border a\anga 500km vela hla awm niin Russia-in Ukraine February 2022 a\anga a run hnuah Moscow chuan beih a tawk meuh lo.
Tun hnaiah erawh Russia chuan Ukraine chu an ram drone hmanga bei fovah puhin chung zingah chuan capital Moscow pawh a tel a ti a.
Chuta zinga langsar ber chu May thla khan niin Russia chuan Ukraine chuan Kremlin beih nan drone pahnih a hmang a ti a, Ukraine rawh chuan Kremlin beia puihna leh President Vladmipir Putin tum bik anga puhna chu a hnawl thung.
Hei bakah hian Russia defence ministry chuan Ukraine chuan kum 2014 laia a chhuhsak tawh Crimea chu drone hmangin a bei a ti bawk a. Russian officials te chuan drone 16 an tihchhiatsak thu an puang a ni.
Hetih lai hian Ukrainian officials te chuan Russian missile-in an ram khawchhak lam Sumy khawpui a beih avangin nunna chan pakhat awmin mi panga in hliam an tuar tiin a sawi thung.