Ukraine-in indawrna an pawm loh chuan kan bei zel ang – Putin

Ukraine-in indawrna an pawm loh chuan kan bei zel ang – Putin
President Vladimir Putin-a chuan Ukraine-in an indawrna a pawm lo a nih chuan Russia-in an tum tihlawhtling turin a bei zel dawn tih a sawi.
China-a Donald Trump-a leh US-in khawvel a thunun khing let thei tura boruak siama sipai parade pui a chhim hnu lawkah hei hi a sawi.
US president hian vawi tam tak Putin-a hi indo titawp turin a lo dawr tawh a; mahse, Russian hruaitu hian Trump-a fak chungin indo tihtawp lam a la hawi chuang lo.
Trump-a hian ram tam takin an kawmserhna palzutin thla hmasa khan Putin-a hi Alaska-ah a kawm nghe nghe a. Ukrainian President Volodymyr Zelensky-a nena inkawm turin a thlem.
“Inhmuh a theih loh ka ti lo va; mahse, hmabak a la awm a, kan la hmu zel ang chu,” tiin Putin-a chuan Nilaini khan a sawi.
Inhmu turin inbuatsaiha inhmuh chhan tur a awm a ngai tih a sawi a, Zelensky-a chu Moscow-ah kalin ‘pawm theih loh thil hre rengin’ a hmu thei reng tih a sawi bawk.
Ukrainian president erawh chuan Putin-a hian Trump-a’n ngen mah se a hmu duh lo nia sawiin Russia chu na zawka hrek leh Ukraine-in invenna a neih tihchakpui a ngai tih a sawi ve thung.
Russia hian February, 2022 atang khan a thenawm ram hi a rûn tan.
Beijing-a Russian sorkar TV-in an kawmnaah Ukraine-a indo chu a tawp hnai em tih an zawh chuan Russian hriatu hian ‘leiverh tawpah êng de vê vê chu a awm’ ti chauhvin a chhang.
“Keimah lamah chuan mi nawlpui pawhin an ngaihdan angin, buaina chin fel theihna tur thil pawm tur pawm a ni mai,” a ti a. “A nih loh chuan sipai chakna hmanga kan chetna hmanga chin fel a ni mai,” a ti bawk.
Russian hruaitu hian Ukraine laka a phut chu Nato an zawm loh leh an rama Russian ram leilung fa en hranna awm tihtawp a ni a, hei hi indo hma pawha a lo sawi tawh thin a ni.
President Trump-a chuan thla hmasaa Alaska-a an inbiak tum khan Putin-a h inkahhai puang turin a nawr a; mahse, muanna tura inrem chu buaina chin felna tha ber a ni ti zawngin thu an titlu.
Putin-a hian inkahhai hi hnawlin a sipaite chuan Ukrainian khawpuite an beih chhunzawm zel a. Nilaini zanah ringawt pawh khan drone 500 leh cruise missile 24 hmangin an kap leh a ni.