Russian long-range bomber chu Ukrainian drone-in a tichhia tia sawi a ni a. He Tupolev Tu-22 bomber Russian chhuanvawr hi Soltsy-2 airbase, St petersburg chhim lama a alh hluah hluah lai social media-ah post a ni.
Moscow chuan bomber chu small-arm fire in a deng tia sawiin mahse thlawhna chu a tichhe pha tho tiin a sawi zui a. Ukraine erawh chuan engmah sawi a nei lo.
A hnuah Russian air defence chuan Moscow region ah drone pahnih an kapthla tiin Mayor Sergei Sobyanin chuan a sawi zui bawk.
Moscow a airport lian pathum chu khar zui nghalin a awm a, mahse, a hnu lawkah international airport lian pahnih Sheremetyevo leh Domodedovo te chu hawn zui leh nghal a ni.
Russian Tu-22 bomber tihchhiat tak hi ri aia a let hniha chaka thlawk thei niin Ukraine khawpuite beih nana Russia-in a hman rim ber a ni.
Moscow-a defence ministry chuan Ukrainian “copter-type UAV” in bomber chu a bei tiin a sawi a. Novgorod region a military airfield-a a awm lai beih a ni tiin a sawi bawk a.
“Thlawhna pakhat tihchhiatin a awm a, firfiakte chetna avang hian thi leh hliam an awm lo thung” tiin ministry chuan a sawi a. UAV chetna avanga kangmei chhuak pawh thelhmih nghal a ni, a ti bawk.
Thlawhna pakhat tihchhiat ringawt chu Moscow-in indo thlawhna tam tak a neih karah awmze nei vak lo angin lang thei mah se, Kyiv-in Russian territory chhungril ber ber a beih theihna lantirna ni thungin chu chuan Kyiv theihna san zel zia a pholang anga ngaih a ni.
Kyiv hian tun hnaiah fixed-wing unmanned aircraft Moscow beih nan a tirchhuak zeuh zeuh reng tawh a. Tuna Soltsy-2 a beih pawh hi Ukraine border atanga 650 km laia hlaa awm a ni.
Mahse, Russian MoD’s thuchhuah chuan Ukraine drone te chu ‘copter-type UAV’ tihsakin man tlawm tak, commercially available device a tihsak thung a.
Tu-22 hi Cold War-era, swing-wing supersonic bomber niin Nato chuan a hming lemah “Backfire” ti thungin Ukrainian khawpui te beih nana hman nasat ber a ni.
Modern version Tu-22M3 te chu Mach 2 (2,300km/h or 1,430mp/h) laia cvhaka thlawk theiin ralthuam 24,000kg vel lai “dumb bombs” leh homing missiles te pawh a keng tel thei a ni.
Heng bomber te hi Syria, Chechynua, leh Georgia ah te Russia chuan a lo hmang nasa tawh a, tun hnaiah Ukraine ah a hmang nasa leh hle a ni.
Kumin January thla pawh khan Dnipro khawpuiah Tu-22 hian Kyiv khawpuiah mi 30 lai nunna a lo la tawh bawk a ni.
Ukraine-in Russian bomber tichhia
