Canadian pa, dwarfism avanga pianphunga rualban lo, John Young, kum 58, chuan ultramarathon a tlan chhuak ve zak a, hetiang tithei patawi ber record a siam. Pu John-a hi 131.1 cm (feet 4 leh inches 3.6) a sang niin, Ghost Train 30-Hour Ultramarathon chu New Hampshire, USA-ah a tlan ve a ni.
Ultramarathon an tih chu marathon pangngai aia thui zawk a ni a, marathon pangngai hi km 42.2 a ni a, ultramarathon hi chu a tawi berah km 50 (mel 31) tal a tling ngei ngei tur a ni. Pu John-a hian mel 31 hi darkar 12 leh minute 9-ah a tlan tleng hmang.
Pu John-a hi dwarfism avangin a tawi hle a, anni ang tan chuan puitling pen khat hi pen hnih ang zela an hman a ngai a, marathon tlan chhuak tur pawhin mipangngai aiin a letin a pen tam zawk a ngai bik a ni.
John hi Massachusetts-ah maths zirtirtu a ni a, dwarfism nei zinga athlete marathon tlan thei tlemte zingah a tel ve a, ultramarathon phei chu dwarfism nei zingah ani chiah hi tlan chhuak thei a la ni.
Ultramarathon tlan chhuak thei zinga patawi ber
