United Nations Educational, Scientific and Cultural Organization (UNESCO) chuan Venice khawpui chu heritage site dinhmun derthawnga awmah dah ni se tiin rawtna a siam a.
Italian city chu tourism nasa lutuk leh climate change vanga sea level sang zel vangte in siamthat theihloh khawpa chhe thei dinhmunah a ding a ti bawk a. Italian sorkar chu Venice in harsatna aneih te ngai pawimawh ber turin a ngen bawk. Venice hi UNESCO in world heritage site 1,157 a tih zinga tel a ni.
Riyadh khawpuia 21 UNESCO member states tena committee an neihnaah khawvela hmun pawimawh hrang hrang 200 chuang te chu enfiahna an nei a.
“Property humhim chungchangah te hmathlir mumal a awm lo va, stakeholder level tinah thawhhona tha leh awmze nei zawka kalpui a ngai a ni” tiin UN agency chuan Venice chungchang a sawi a.
UNESCO te chuan corrective measures lak dan tur Italian state in ruahmanna a siam chu ‘tun dinhmunah chuan a tawk lo va, a kimchang tawk lo bawk’ tiin an sawi bawk a. Italy chuan kum 2021 a Commitee session an neih hnuhnun ber atangin hma a la tha tawk lo ti bawkin UNESCO chuan Venice chu blacklist a dahah a vau zui bawk.
Kumina dinhmun derthaenga ding tia an sawi khawpui zingah Ukraine a Kyiv leh Lviv te pawh a tel a ni.
Venice municipality thupuangtu chuan Center for UNESCO’s World Heritage Committee rawtna chu uluk taka zirchiangin sorkar nena sawihona neih a ni ang tiin an sawi zui thung.
Venice hi canal leh cultural site a neih avanga lar niin mahse tourism nasa lutuk avangin harsatna nasa tak a tawk a. Kum 2019 a Carnival neihah nikhat thil thuah mi 193,000 lai an pungkhawm tia sawi a ni a. Visitor tam lutuk thunun nan khawpui tlawh tute lakah fee lak tur tihte pawh an rawt hial a ni.
UNESCO-in Venice himna duh takzet
