Union HM project hawn kalpui
dan kan enzui zel ang – MPYCC
Sawrkar laipui atanga project liantham lokalte MNF sawrkarin a lo tihthuanawp tawh thin avangin tuna Union Home minister-in project kalpui tum a rawn hawn turte chu a nih dan tur anga a kal theihna’n vil zui zel an tum tih Congress Thalai chuan an sawi.
Congress Thalai Hqrs. thuchhuak chuan Union Home minister Amit Shah-a’n cheng vaibelchhe 315.05 bakah vbch. 2098.97 hu project lungphum Aizawla a phum tur chu lawmawm a tih rualin, Mizorama project liantham – Falkawn Referral Hospital, Tuirial Hydel Project leh a dangte tithuanawp tawhtu MNF sawrkarin heng hmasawnna sum tam tham tak hi sum ngainatna avangin engmah loah a chan leh mai ang tih a hlauthawng hle tih a sawi a. A theih dan ang angin heng project hnathawhte hi vilin an enzui reng dawn tih a sawi.
‘MNF sawrkar kutah hian rinna nghah har kan ti tawh em em a. Chu bakah Mizoram sawrkar Pu Zoramthanga kaihhruai hmalakna niloin a zavai hian central BJP sawrkar rawn tih vek a ni a. A taka lo dawngtu mai chauh zawk an ni tih Mizoram mipui hriatah kan puang a ni,’ a ti.
71st BN Mullick Memorial All India Police Football Championship Men 2022- 2023 a Mizoram Police Team an champion chu lawmawm a tiin a chhuang takzet tih Congress Thalai hian sawiin, ‘Team 34 tel zinga pakhatna dinhmun hauh hi a ropui hle a, player-te leh team enkawltute thawhrah lawmawm tak a nih avangin fakawm kan ti,’ thuchhuah chuan a ti.
Union HM project hawn kalpui dan kan enzui zel ang – MPYCC
![](https://theaizawlpost.org/wp-content/uploads/tap_logo-min-large.jpg)