Zan khat leh ni hnih chama Lungleia zin minister of state for Tribal Affairs Renuka Singh Saruta chuan Thawhlehni khan Lunglei khawpui chhunga sawrkar hmunhma thenkhat a tlawh.
A tlawh zing ami Vocational Training Centre-a garment making, beauty & wellness, electrician leh hotel management-ah training pek thin an ni a, tunah zirlai 75 an awm mek. He Centre hi mi in luaha kalpui niin, mahni building an mamawh tih an lo thlen.
Civil Hospital Lungleiah Union MoS hian Pediatric ICU thar, Maternity Ward, Blood Bank leh hmunhma dangte a tlawh a. H&FW hotute hian Advance Life Support ambulance leh Lunglei district western belt lama hman tur lawng an mamawh thu an lo thlen.
Eklavya Model Residential School Pukpuia a tlawhnaah principal Lalnghinglova, zirtirtu leh zirlaiten an lo dawngsawng a, school hmunhma leh mamawh an en ho. EMRS Pukpui hi Centre of Excellence for Sports-a hlangkai tura hma lak pui an duh thu an lo thlen a ni. EMRS hi Ministry of Tribal Affairs hnuaia hmalakna pawimawh niin, EMRS Pukpui hi kum 2008 ah din a ni a, CBSE affiliate niin, tunah zirlai 270 leh regular teacher 18 an awm a, class XI -XII thleng zirna awmin arts leh science stream an nei mek.
Minister of State hian a hnena mamawh an thlente a tul anga bawhzui sak a tum thu sawiin, Mizoram Social Welfare & Tribal Affairs hotute chu a tul ang ngaihven pui a, ministry-a thlensak turin a hriattir.
Union MoS-in a ministry hnuaia hmalakna tlawh
