Union MoS-in Siaha a tlawh
Union minister of state for Agriculture and Farmers’ Welfare Ram Nath Thakur chuan ‘Poorvottar Sampark Settu Programme’ hnuaia hnathawh enfiahin Thawhtanni khan Krishi Vigyan Kendra (KVK) Siaha a tlawh a. District Hospital Siaha a tlawh bawk.
Union MoS hian Agriculture department-in exhibition an buatsaih a tlawh hmasa a. A puala thutkhawmah Prime minister thupek anga lokal a ni tih sawiin, Siaha mipuiin harsatna an neih leh mamawh chu Prime minister hnenah a thlen dawn a, loneitute hmasawnna chu sawrkar laipui ngaihpawimawh a nih angin, chak taka hma lak a ni tih a sawi.
Mamawh an neih chu ziaka thlen tura chahin, Prime minister leh Union minister for Agriculture and Farmers’ Welfare hnenah a pe dawn tih a sawi a ni.
Thutkhawmah hian district bawrhsap VL Hruaizela Khiangte chuan an district dinhmun a sawi a. Mara Autonomous District Council chief executive member M Laikaw chuan MADC dinhmun sawiin, sawrkar laipuiin ADC tana tanpuina a pek thin chu tangkai taka hman a ni a, khawsak harsa zawkten an chhawr hle niin a sawi.
Union MoS hi sawrkar laipui hnuaia scheme hrang hrang kalpui dan leh thlen chin an hrilhfiah a. Mamawh an lo thlen a ni.
KVK Siaha-in stall an buatsaih a en bakah ‘Best Innovative Framers Award’ dawngtute hnenah a hlan. KVK Siaha senior scientist & head Dr H Vanlalhmuliana KVK dinhmun a lo sawi a ni.
District Hospital a tlawhnaah hian medical superintendent Dr C Lalrosanga leh a thawhpuiten an lo dawngsawng a ni.
Union MoS-in Siaha a tlaw
