Union minister of state for Health & Family Welfare Prof. SP Singh Baghel chuan ni hnih cham turin Nilaini khan Siaha a thleng a, Lengpui Airport atangin helicopter-in Siaha hi a pan ding nghal a ni.
Siaha helipad-ah Siaha bialtu MLA Dr K Beichhua, district bawrhsap Lalhmunsanga Hnamte, Mara ADC chief executive member M Laikaw leh sawrkar hotu dangten an an lo dawngsawng a ni.
Union MoS hian Siaha district-a sawrkar hotute a thutkhawm pui nghal a. SDO (Sadar) B Malsawmtluangi chuan district dinhmun leh administration kalphung, hmalak dan leh hmabak awmte a sawifiah a. District chhunga Health department hnuaia hnathawh leh hmalak ngaihna bakah tuna Health department dinhmun ngaihtlak a ni. Union MoS-in zawhna leh hriatchian duh a neihte chhan a ni.
Sawrkar hotute a thutkhawmpui zawhah SP Singh Baghel hian kohhran hruaitute a kawm zui a ni.
Union MoS-in Siaha a tlawh
