Mizorama thil pawimawh tia a hran ve ve rawn kal Union minister of state pahnih chuan larsap Hari Babu Kambhampati an kawm.
Aizawla nghah G-20 Business Summit-a rawn tel tur, Union MoS for Commerce & Industries Som Parkash chuan Nilaini tlai khan Raj Bhavan-ah larsap hi hmu in, larsap hian Mizoram dinhmun tlangpui a a lo hrilh a. Commerce & industries sector bikah tunah chuan Mizoramah sawitham la awm lo mah se, kawngpui tha leh rel kawng a lo luh hun chuan hmalakna tam zawk a awm theih a ring tih a hrilh a ni.
Mamit district-a sawrkar hmalakna dinhmun hre tura lokal Union MoS for Rural Development leh Steel Faggan Singh Kulaste pawhin Thawhlehni zan kha Raj Bhavan-ah riakin larsap nen an inkawm a. Mamit district-a sawrkar laipui leh state sawrkar hmalakna hrang hrang, hmasawnna ruhrel din chungchangah leh mipui mimir khawsak phung chawikan kawngah, kawngpui leh inbiakpawhna tihchangtlun dan tur thil pawimawh te an sawidun a ni. Union MoS hian Nilaini khan Mizoram chhuansanin New Delhi a pan a ni.
Union MoS-ten larsap an kawm
![](https://theaizawlpost.org/wp-content/uploads/tap_logo-min-large.jpg)