Tunlaiah na na na chuan khawvela zaithiam lar ber tih loh rual a ni lo bawk a, Arizona State University chuan psychologist ten Taylor Swift career a\ang hian eng nge zir chhuah tur awm tih hriat nan course thar- Psychology of Taylor Swift – Advanced Topics of Social Psychology tih chu kum tawp lam a\angin an nei thar dawn a, PhD student Alexandra Wormley chu an zirtirtu tur a niang.
He course-ah hian Taylor Swift chu semester khat zir daih a ni dawn a, a chanchin chi hrang hrang, thulengvak (gossip), a hmangaihna lamtluang, a hlawhtlinna leh mite sawiselna a chhan let dan tih te chu an zir tur zingah a tel a, he class hi Taylor Swift an duh leh duh loh lam seminar ang a ni dawn lo va, psychology zir nan an hmang dawn a ni.
A zirtirtu tur Alexandra Wormley chuan Swift album hrang hrang theme leh psychology inkungkaih dan te pawh an zir dawn niin a sawi a, 2017-a Swift-i album ‘Reputation’ chu entir nana hmangin, “Taylor-i album parukna, Reputation te kha, Kim Kardashian leh Kanye West te nena an inkar neuh neuh avanga a thawm a reh deuh vang vang hnua a rawn comeback lehna a ni a. A phuba lakna ti te pawhin a sawi theih ang chu, album hlawhtling tak leh stadium tour pui tak a nei chhunzawm a ni. Zirlai ten hei hi an hria a- mahse, engvangin nge phuba lak hi kan chak \hin tih te erawh an hre kher lo mai thei. Engtin nge phuba kan lak \hin te pawh an hre kher lo thei. Social psychology a\angin hei hi a hriat theih a ni,” a ti.
Taylor Swift hi a lar bawk a, university hrang hrangin zirlaiah an telh fo tawh a, nikum February pawh khan NYU-a Clive Davis Institute of Recorded Music chuan Rolling Stone-a ziaktu Brittany Spanos hnuaiah Taylor Swift chanchin zirna an lo kalpui tawh a, nikum August thla pawh khan University of Texas chuan liberal arts course thar- Literary Contests and Contexts – The Taylor Swift Songbook tih chu zirlaiah an lo telh thar tawh bawk, Stanford University pawhin winter quarter course ‘All Too Well (10 Week Version)’ an lo puang ve tawh bawk a, he course-ah hian Swift-i hla hit hi a lyrics zirchianna Nona Hungate kaihhruaina hnuaiah an nei dawn bawk a ni.
University-in social psychology course-ah Taylor Swift an telh thar
