UNSC president Russia ni mek, Ukraine phun

Russia chuan UN Security Council president nihna chu Ukraine in member te phalsak lo tura a ngen chungin a chelh zui ta a.
Council member ram 15 t chuan thlatin president nihna hi an inchelh chhawk thin a ni.
Russia in council president nihna a chelh hnuhnun ber chu February 2022 khan niin Ukraine a run hla chiah a ni bawk a.
Tihian Security Council chu ram pakhat an president ber war crime kaihhnawih avanga international arrest warrant tihchhuah khum mekin a chelh tihna a ni bawk a.
Ukraine in a dodal viau chungin United States chuan permanentn member ni ve tho Russia in presidency a chelh theihna chu a dang thei lo a ti thung a. UK permannent member ram dang te chu UK,. US, France leh China te an ni.
President nihna hi a hming maki chu a ni tho a, UN a Moscow ambassador Vasily Nezenzia chuan Russian Tass news agency hnenah sawiho tur tam tak chhawpchhuah a ni ang tiin chung zingah chuan arms control pawh a tel a ti a.
Chung zingah chuan ‘unipolar world’ thlaktu tur ‘new world order’ inmung mek chungchang pawh a tel a ti bawk.
Ukrainian Foreign Minister Dmytro Kuleba chuan Russia presidency chu ‘April Fool’s Day a fiamthu chhe ber’ tiin a sawi a, ‘international security architect kalhmang dikloh zia pholanna’ tiin a sawi bawk a. Hei mai bakah hian ‘international community te hmaia benna’ tiin a sawi.
Ukraine presidential adviser, Mykhaylo Podolyak pawhin ‘international law pawngsualna…ram dang run mek a, humanitarian leh criminal law bawhchhia a, UN charter tichia a, nuclear safety ngai pawimawh lo bawkin khawvela security body pawimawh ber a kaihruai a nia’ tiin a sawi bawk.
Ukraine President Volodymyr Zelesnky chuan nikum khan Security Council chu reform rawtin ‘thiah vek ni se’ a ti tawh a, a chhan ber pawh Russia in an ram a runah engmah tihtheih an neih loh vang a ni. Hei mai bakah hian RUssia chu UN member atanga paih turin a ngiat bawk.
Mahse US chuan engmah tihtheih a neih loh thu sawiin UN charter chuan permannent member paihtheihna a nei tlat lo a ti thung.
“Vanduaithlak takin, Russia hi Security Council permanent member a ni a, chu chu dan ang thlap pawha thlak danglam theih a ni lo” tiin White House press secretary Karine Jean-Pierre chuan a sawi a.
US chuan Moscow chu ‘Council a seat a chelh mek chu information dik lo thjehdarhna remchangah hmangin’ Ukraine a a chetdan chu inthiam nan a hmang ang a ti.
UN security council hi internationalbody khawvela remna a awm theih nana hmala tu a ni a. Security Council ah hian permanentn member ram panga te chu an tel a, non-permanent member ram 10 thlanchhuah te nen an thawkho thin a ni.
Security Council a permanentn member a nih avang hian Russia chuan council thurel te a duhloh a awm a nih chuan dang thei turin veto power a nei a. Security Council vote paltlang tur chuan ram pakua talin a thlawp zawnga vote an thla a ngai a, pernament member ram panga tena an tlawp vek a ngai bawk.
Nikum Febraury thla khan Russia chuan Ukraine a Russia chetlak dan tihtawp tura resolution chu a veto mai bakah CHina, india leh UAE te chu an hai vek zui a ni.
Nikum September thla vek khan Ukrane region pali Russia in a awpbeh luih te hnawlna resolution pawh Brazil, China, Gabon leh India te chuan vote laknaah tanlam nei duh lovin an hai vek bawk.