k pakhatin lirthei pahnih a sutnaah mi 11 an thi.
Nilaini tlaia thil thlengah hian rawra phur truck khalhtu hian a lirthei thunun zo lovin Maruti Swift a su a. A nghawng nat em avangin an hmaa tlan Bolero car a nawr chilh tel zui a ni.
Swift-in a sut veleh hian Bolero hi a kangmei zui nghal a, lirthei chhunga tang mi 11-in an thih phah a. Truck khalhtu erawh thi lovin hliam na tak a tuar a, a dinhmun a tha lo hle a, enkawl mek a ni.
Police hotu, Aparna Rajat Kaushik-i chuan he thil thleng chungchanga thuthar lakhawmtute a kawmnaah thi zat hi a puang a ni.
“Tun thleng hian mi 11 thi an awm tawh a, thite nihna hriat chian tumin hmalak mek a ni,” a ti a. He thil thleng hi an hriat veleh police-te leh kang thelhtute chuan a hmun an pan nghal tih a sawi bawk.
A hmunah hian police-te an la awm a, tawhsual tawhna hmunah hian lirthei tlan dan tihdanglam a ngaihavangin hmalak zui mek a ni tih news agency PTI report chuan a tar lang.
He thil thleng hi chhui chian mek zel a la ni a. Police-te chuan truck khalhtu hian a tlai reng laia a thunun zawh loh chhan hi hriat tumin hma an la mek a ni.
UP-a truck-in lirthei pahnih a sutah mi 11 thi
