Ram Janmabhoomi temple, Ayodhya a sak mek leh January 2024 a hawn hman tum mekah Bharatiya Janata Party (BJP) kaihhruai Uttar Pradesh sorkar chuan State chhung hmun hrang hrangah Ram identity tihchian leh thehdarh zual zelna tur hmalakna hrang hrang a buaipui mek a. Chung zingah chuan religious tourism circuit te bakah Hindu pathian nun Ramayana atanga social legends hrang hrang te pholana thlunzawm a tum a ni.
Kar kalta khan Prayagraj district magistrate Sanjay Kumar Khatri chuan khawpui atanga 45 km a hla a awm Shringverpur Dham, Nishad Kingdom capital tia a sawi chu a tlawh a. Helai hmun hi Ram, Hindus tena Vishnu avatar anga an ngaih leh Nishadraj Guha, king Nishads te inhmuhna hmun tia sawi a ni.
Helai hmun hi Uttar Pradesh sorkar chuan religious and cultural centre a siam tumin hma a la mek a, chutah chuan Guha an Ram ke a silsak lai te tarlan tum a ni a. Acre thum laia zaua construction chu Uttar Pradesh Projects Corporation Limited te Rs 20 crore sengin an kalpui dawn a ni. He hmun bul maiah hian auditorium leh Sri Ram library religious text dahkhawmna tur chu sak a ni dawn bawk.
Ram leh Guha statues te chu a thenawm lawka Nishadraj park-ah siam a ni bawk ang a, hengte hi OBC te one vote bank anga hui tumna kal zel tia sawi a ni.
“BJP te hian heng symbolic theme te hi Ram leh OBC group te inlaichinna siam nana hman an tum a. Heng hmalaknate hi cultural lam a nih rualin social leh poltics thil a ni,” tiin Ram Dutt Tripathi, political analyst, Lucknow a awm chuan a sawi.
Uttar Pradesh sorkar chuan Ayodhya leh Lucknow inkara Barabanki district-ah 10 acres huamchhung vela zauah Rs 150 crore sengin Ramayana Museum and Cultural Centre a din dawn bawk a. Hei hi tourist tena Ram nun chiang leh fiah zawka an hriat theihna tur a ni tiin State sorkar thuchhuah chuan a tarlang.
He project hi kum 2021 atanga kalpui tawh kha niin mahse Ayodhya a Ram Temple a insawrbing nasat avangin duh anga chaka kalpui a ni thei lo thung a, awmze nei zawkin a lang vat ang tiin sorkar official te chuan an sawi a. He hmunah hian Ramayana-based art gallery, library, research leh publication division, Ramilila training centre leh themed cultural dang dang te pawh dah tum a ni.
Uttar Pradesh International Trade Show, September 21 leh 25 a India Expo Centre and Mart, Greater Noida a neih turah Ram leh epic Ramayana theme hmangin multiple cultural events buatsaih a ni dawn bawk a. One District One Product flagship chu palai nuai nga vel te hmuhah chhuah a ni bawk ang.
UP sorkarin ‘Ram’ nasa zawka pholan tum
