February 2, Thawhlehni khan 4th Division Screening Tournament Final khelh a ni a, Upper Republic Cricket Club chuan Sihphir Cricket Club chu run 117-a hnehin an Champion.
Final hi Lawipu Veng Field ah khelh niin Toss-a chak Sihphir-in vawm hmasak thlang an thlang a. Over 20 chhungin Upper Republic ten run 229 siamin wicket 6 an hloh. Upper Republic tan hian Mustafa Alom Laskar chuan run 56 siam a siam a, Rintu-in run 49 a siam bawk. Sihphir CC tan Zorinsanga’n wicket 3 lain Nelson Lalhruaitluanga, Samuel Vanlalpeka leh Manase Zothanpuia te’n wicket 1 theuh an la bawk.
Sihphir lamin over 15.5 chhungin run 112 siamin an all out a. Vanneihsanga’n run 40 siamin Rony Lalruatpuia’n run 24 a siam bawk. Upper Republic CC tan Ephraim Lalvohbika leh Sadashiv Singh te’n wicket 3 ve ve an la a. R. Lalchhuanawma, Akash Singh leh Rintu ten wicket 1 theuh an la bawk.
Final-ah hian Upper Republic CC player Sadashiv Singh chu Player of the Match-ah thlan a ni a. Amos R. Lalrinhlua (Saron Veng CC) chu Player of the Series niin Best Batter – Akash Singh (Upper Republic CC) thlan a ni a.
Amos R. Lalrinhlua (Saron Veng CC) chu
Best Bowler-ah thlan a ni ve bawk.
Upper Republic an champion
