Mizoram University chuan US Consulate General leh YRGCARE nen tanghoin ‘Experience America: Educational Opportunities in the US and Enhancing Student Mobility in North East’ tih thupui hmangin Nilaini khan hun buatsaih a ni.
He progamme-ah hian Aizawl chhung college hrang hranga zirlaite an tel a. Sawrkar laipuiin National Education Policy (NEP) 2020 a kalpui mek zulzuiin, hmarchhaka zirlaite tan awlsam zawka zirna sang an ban theih nan leh United States-a zir theihna remchang siamsak chu a tum ber tih a sawi a ni.
US Embassy atangin Aishwarya Mondal chuan US Consulate’s education, English language, cultural program leh ‘Experience America initiative’ chu zirlai kalkhawmte hnena sawifiah a ni a. Education USA adviser Megha Roy Chatterjee chuan US university-a luh dil dan tur a kawhhmuh bawk. YRGCARE aiawhin Sandhya Krishnan chuan thu a sawi bawk.
He programme hi MZU vice chancellor Prof. Dibakar Chandr Deka, registrar Prof. Lalnundanga leh director of the office of International Affairs Prof. HK Laldinpuii Fente ten an telpui.
US-a lehkha zir theih dan sawi
