US House of Representatives Speaker Kevin McCarthy chuan right-wing rebel-in amah paih tuma hma an lak avangin paih theih dinhmunah a ding mek a, hetiang hi Speaker laka thil thleng khat tak a ni.
Matt Gaetz hmalak mekna kalpui chungchangah McCarthy chuan social media kaltlangin, “Ti teh se” tia sawiin Gaetz chuan, “Ka ti chiah” tiin a chhang nghal bawk.
Democrats te tanpuina hmuin sorkar agencies tena bill an passed hnuah Republican pahnihte hi an inbei ta a ni.
US speaker tumah hetianga ban tur ‘motion of vacate’ hmanga ban an la awm ngai lo thung a.
Speaker paih a nih theih nan hian House ah simple majority neih a ngai a ni, a ti bawk a.
Republicans te chuan chamber thununin 221-212 in majority an nei mek a. Mahse, Republican hardliner thenkhatte chuan McCarthy chu paihthlak an duh tia sawi a ni.
US House Speaker hi US-vice-president tih loha presidency chelh thei pahnihna a ni a. Congress legislative thurel tur siamtu niin committee assignment te thununtu vek niin White House agenda dangchat thei awm chhun a ni bawk.
Gaetz avang hian US sorkar chuan Ukraine hnena tanpuina $6 billion pek an tum chu a tlawlh tawh bawk a. A chhan ber pawh ultraconservative te chuan US chuan Ukraine indonaah sum a seng hnem lutuk tawh an ti a ni.
Gaetz hian McCarthy hi kumin January pawh khan paihtlak tum tawhin kha vang khan ni 15 chhung zet thil buai nuai nuai a awm phah tawh bawk a.
Political horse-trading turu taka awm hnuah McCarthy chuan chakna changin mahse Speaker paih a nih theih nana lawmaker pakhat pawhin a kal puih theihna remtihna a pek phah a ni. Chu tak chu tuna amah paihthlak tuma hmalakna kalpui a nih theihna chiah chu a ni zui ta bawk.
House Floor-a thusawina a neihah Gaetz chuan McCarthy chu White House nena ‘secret deal’ siamah puhin Ukraine hnena sum pek zui a nih theih nana legislation thar siam tumah a puh a. McCarthy thung chuan Ukraine thilah engmah inremna siam a awm lo tiin a sawifiah tho thung.
‘Motion to vacate’ a theh luh hnuah Gaetz chuan, “Republican mamawh tawk ka nei a, karleh tun ang hunah chuan thil pahnih thum vel thleng a awm ang,” tiin a sawi a.
“Kevin McCarthy chu Speaker of the House a ni lovang a, a nih loh chuan Speaker of the House Democrats tana thawk a ni ang a, a khawi ve veah pawh kan pawm ang a, mahse, America chuan anmahni enkawltute chu tute nge an nih an hriat ngei a ngai a ni,” tiin a sawi.
A chetlakna chuan institution chu che thei lovin a siam tia an puhna chungchangah, “Buaina tak tak zawk chu America mipuite hian $2 trillion annual deficits kan neih reng chuan austerity an paltlang a ngai dawn,” tiin a sawi.
Gaetz chuan Speaker atan McCarthy thlak turin Louisiana Republican Steve Scalise chu a thlawp tur thu a sawi zui bawk a.
Floor-a Gaetz-an thusawina a neih hmain California Republican Tom McClintock thung chuan Speaker paih tum chu mahni intihchhiat tuma hmalakna tiin a sawi thung a. A Republican pui te chu an ngaihdan thlak tura ngenin mahni chauh inngaihtuaha thil thlir lo turin a ngen bawk.
Chamber rules ang chuan Speaker chuan mimal thenkhatte a seat chu chhuahsan a nih palh hlauha amah thlak theitu tur a dahchhuah ngei a ngai a.
McCarthy chu vote hmanga paihthlak a nih chuan mipui hriatah puanchhuah niin Speaker atana a duh hmasa ber a ziah lan chu inthlan hmain Speaker pro tempore atana ruat a ni nghal ang.
Tunah chuan Democrats ten pawimawhna thuk tak neiin Speaker in a dinhmun a la chelh zui zel ang em tihah an vote chuan pawimawhna thuk tak a nei ta a ni.
Democrats te chu McCarthy lakah an lawm lo hle a, a chhan ber pawh tun hnai lawkah President Joe Biden impeach a nih theih nana congressional inquiry kalpui a remtih vang a ni.
Hetih lai hian left-wing New York lawmaker Alexandria Ocasio-Cortez chuan inremna an siampui thei a nih chuan McCarthy chu a an thlawp hreh dawn lo tiin a sawi.
Speaker paih tumna hi thil thleng zen zen lo niin tum hnih chauh la kalpui niin a hlawhchham ve ve a ni. Hman hnuhnun ber chu kum 1910 kha a ni.
US House Speaker bantir tumin hma la mek
