US in Haiti pan tur thlawhna ni 30 chhung la titawp rih dawn
America aviation chuan Caribbean huamin thlawhtheihna chhuakte chuan Haiti an panna kawngah silai hmanga beih an tawh zin rih em avangin ni 30 chhung thlawhna thlawk tur a titawp rih.
JetBlue, Spirit leh American Airlines te chuan kartir khan beih an tawh hnuah an thlawhna thlawk chu an tihtawp lailawk thu an sawi nghal a, America airlines dang zawng zawng pawhin ni 30 chhung an tihtawp tur thu an puang zui vek hlawm a ni.
Spirit thlawhna chuan thawhtanni khan beih hi tawk lehin, flight attendant pakhat chuan hliam tenau a tuar a, passenger te zingah erawh hliam tuar an awm lo thung.
US state department chuan Haiti ram hruaitute chu an ram himna ngai pawimawh tur leh an mimal hamthatna tur ringawt ngaihtuah lo turin a hriattir a, Haiti mipuite chuan zalenna an mamawh takzet nia sawiin, ram hruaitute chu an ramchhung buaina hrang hrang hmetmit a, chingfel turin a hriattir a ni.
US in Haiti pan tur thlawhna ni 30 chhung la titawp rih dawn
